ଲୁଧିଆନା . – ପଞ୍ଜାବ ସୀମାରେ ଦୁଇଜଣ ପାକିସ୍ତାନୀ ନାଗରିକଙ୍କୁ ସୀମା ସୁରକ୍ଷା ବାହିନୀର ଯବାନମାନେ ଗିରଫ କରିଛନ୍ତି । ଏମାନଙ୍କ ନିକଟରୁ ପାକିସ୍ତାନୀ ସେନାର ପରିଚୟ ପତ୍ର ଥିବା ବେଳେ , ପାକିସ୍ତାନୀ ମୁଦ୍ରା ଓ ସ୍ମାର୍ଟଫୋନ୍ ଜବତ କରାଯାଇଛି । ଅନ୍ତର୍ଜାତୀୟ ସୀମାରେଖାଠାରୁ ମାତ୍ର ୩୦୦ ମିଟର ଦୂରରେ ଏମାନଙ୍କୁ ଗିରଫ କରାଯାଇଛି ।
ଏହି ଦୁଇଜଣ ପାକିସ୍ତାନୀ ଗୁପ୍ତଚର ବୋଲି ସନ୍ଦେହ କରାଯାଉଛି। ଗିରଫ ହୋଇଥିବା ଦୁଇ ଜଣଙ୍କର ନାମ ମୁତାଜ ଖାନ୍ ଓ ସିରାଜ୍ ଅହମ୍ମଦ । ପଞ୍ଜାବର ଫିରୋଜପୁର ନିକଟରୁ ଏହାକୁ ଗିରଫ କରାଯାଇଛି । ସିରାଜ୍ ଓ ମୁମତାଜ୍ ନିଜର ପ୍ରକୃତ ପରିଚୟ ଲୁଚାଉଥିବା କଥା ସନ୍ଦେହ କରାଯାଉଛି । ଏମାନେ ମିଛ ପରିଚୟ ପତ୍ର ସାଙ୍ଗରେ ଆଣିଛନ୍ତି ବୋଲି ଭାରତର ସୁରକ୍ଷା ସଂସ୍ଥାମାନେ ସୂଚନା ଦେଇଛନ୍ତି ।