ବେଗୁନିଆ : ଖୋର୍ଦ୍ଧା ଜିଲ୍ଲା ଏସପି ସିଦ୍ଧାର୍ଥ କଟାରିଆଙ୍କ ନିର୍ଦେଶ କ୍ରମେ ବେଗୁନିଆ ଥାନା ଅଞ୍ଚଳରେ ପାଟ୍ରୋଲିଂ ଜୋରଦାର ଚାଲିଛି। ଶନିବାର ବେଗୁନିଆ ପୁଲିସ ପାଟ୍ରୋଲିଂ କରି ଫେରୁଥିବା ସମୟରେ ଏକ କଳା ପଲସର ବାଇକରେ ୩ ଜଣ ଯୁବକ ଖୋର୍ଦ୍ଧା ଅଭିମୁଖେ ଯାଉଥିଲେ। ସେମାନେ ପୁଲିସକୁ ଦେଖି ଇତଃସ୍ତତ ହୋଇ ଗାଡି ଚଳାଇବା ଯୋଗୁ ପୁଲିସ ସେମାନଙ୍କୁ ଅନୁସରଣ କରି ତିକାତାଳ ଠାରେ ଧରି ପଚରା ଉଚରା କରିଥିଲା । ସେମାନଙ୍କ ପକେଟରୁ ଲକ୍ଷାଧିକ ଟଙ୍କାର ଧଳା ଜହର ଜବତ କରିଥିଲା । ଏହା ସହିତ ବୋଲଗଡ଼ କନ୍ଧସାହିର ଗଣେଶ ବାରିକ, ବାଙ୍କୋଇ ମାଣିକପୁର ଗ୍ରାମର ବାଦଲ ରାଉତଙ୍କ ସହିତ ଗୁରୁଜଙ୍ଗ ଟାଙ୍ଗିସାହି ଏବଂ ବୋଲଗଡ଼ ଭଣ୍ଡାରିସାହିର ଦୁଇଜଣ ନାବାଳକଙ୍କୁ ଗିରଫ କରିଛି । ନାବାଳକ ଦୁଇଜଣଙ୍କୁ ଖୋର୍ଦ୍ଧା ଜୁଭେନାଇଲ ଜଷ୍ଟିସ ବୋର୍ଡ଼କୁ ହସ୍ତାନ୍ତର କରାଯାଇଛି।ଗୁରୁଜଙ୍ଗ ଟାଙ୍ଗି ସାହିର ନାବାଳକ ଜଣକ ୨୨୦ ଟଙ୍କାରେ ଗୋଟିଏ ପ୍ୟାକେଟ କିଣି ସମ୍ପୃକ୍ତ ପ୍ୟାକେଟକୁ ୫୦୦ ଟଙ୍କାରେ ବୋଲଗଡ଼, ସୁନାଖଳା ଏବଂ ବାଙ୍କୋଇ ଆଦି ଅଞ୍ଚଳରେ ବିକ୍ରି କରୁଥିଲା ।
Comments are closed.