ବୌଦ୍ଧ: ବଲା ସିଂହା କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ଠାରେ ପରିବେଶ ସୁରକ୍ଷା ଓ ଆମର ଦାୟିତ୍ୱ ନେଇ ଏକ କାର୍ଯ୍ୟକ୍ରମ ବ୍ରହ୍ମା କୁମାରୀ ଈଶ୍ବରୀୟ ବିଶ୍ୱବିଦ୍ୟାଳୟ ଆନୁକୂଲ୍ୟରେ ଅନୁଷ୍ଠିତ ହୋଇଥିଲା । କେନ୍ଦ୍ର ସଞ୍ଚଳିକା ବି.କେ ମାମିନା ପରିବେଶ ସୁରକ୍ଷା ପାଇଁ ଆତ୍ମ ସଚେତନତା ଓ ଜଣକୁ ଗୋଟିଏ ଲେଖା ଚାରା ରୋପଣ କରି ତାର ଯତ୍ନ ନେବାପାଇଁ ସଂକଳ୍ପ ନେଲେ ପରିବେଶ ସୁରକ୍ଷାରେ ଭାଗି ହୋଇପାରିବ ବୋଲି କହିଥିଲେ । ବ୍ଲକ ଶିକ୍ଷା ଅଧିକାରୀ ଶ୍ରୀଯୁକ୍ତ ଧ୍ରୁବ ଚରଣ ଘିବେଲା ମୁଖ୍ୟ ଅତିଥି ରୂପେ ଭାଗନେଇ ଛାତ୍ର ଓ ଛାତ୍ରୀ ମାନେ ଜୀବନ ନିର୍ବାହ ସକାଶେ ବୃକ୍ଷ ଲତା ଗୁଡିକ କେତେ ଉପକାରୀ ନିଜ ବକ୍ତବ୍ୟରେ ଦର୍ଶାଇ ଥିଲେ । କାର୍ଯ୍ୟକ୍ରମରେ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ବି ନମ୍ରତା ସାହୁ ଓ ଅନ୍ୟ ଶିକ୍ଷକ ଓ ଶିକ୍ଷୟିତ୍ରୀ ଉପସ୍ଥିତ ଥିଲେ । ସ୍କୁଲ ପରିସରରେ ଓ ଛାତ୍ରୀ ନିବାସ ପରିସରରେ ବିଭିନ୍ନ ଚାରା ରୋପଣ କରାଯାଇ ଥିଲା । ବି କେ ସରୋଜ ଭାଇ, ରଶ୍ମିତା ଭଉଣୀ କାର୍ଯ୍ୟକ୍ରମରେ ସହାଭାଗୀ ହୋଇଥିଲେ ।
Comments are closed.