ବୌଦ୍ଧ: ବୌଦ୍ଧ ପୁରୁଣା ଜେଲ ନିକଟରେ ଗତକାଲି ଅପରାହ୍ନରେ ଜେସିବି ଧକ୍କାରେ ଦୁଇ ଜଣ ବାଇକ ଆରୋହୀ ଗୁରୁତର ହୋଇଛନ୍ତି । ଦୁଇ ବାଇକ ଆରୋହୀଙ୍କୁ ଗୁରୁତର ଅବସ୍ଥାରେ ବୌଦ୍ଧ ମେଡିକାଲରେ ଭର୍ତ୍ତି କରାଯାଇ ଥିଲା । ସେମାନଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଥିବା ଜଣାପଡିଛି । ପ୍ରକାଶ ଥାଉକି ଆଜି ବୌଦ୍ଧ ବ୍ଲକ ଆମ୍ବଝରି ପଂଚାୟତ ଅନ୍ତର୍ଗତ ପାଟଲିପଡା ଗ୍ରାମର କୈଳାସ ମାଝି ଓ ଖଜୁରୀପଡା ଗ୍ରାମର ସଂଜୀବ ମହାଲିକ ବୌଦ୍ଧରୁ ଏକ ବାଇକ ଯୋଗେ ଗ୍ରାମ ଅଭିମୁଖେ ଯାଉଥିବା ବେଳେ ପୁରୁଣା ଜେଲ ନିକଟରେ ଏକ ଜେସିବି ବାଇକକୁ ଧକ୍କା ଦେଇଥିଲା । ଫଳରେ ଦୁଇ ବାଇକ ଅରୋହି ଗୁରୁତର ଆହତ ହୋଇଥିଲେ । ସେମାନଙ୍କୁ ସଙ୍ଗେ ସଙ୍ଗେ ସ୍ଥାନୀୟ ଲୋକମାନେ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ବୌଦ୍ଧ ମେଡିକାଲରେ ଭର୍ତ୍ତି କରିଥିଲେ । ସେମାନଙ୍କ ପେଟରେ ଗଭୀର ଆଘାତ ଲାଗିଛି । ଅବସ୍ଥା ଗୁରୁତର ହେବାରୁ ସେମାନଙ୍କୁ ବୁର୍ଲା କୁ ସ୍ଥାନାନ୍ତରିତ କରାଯାଇଥିବା ଜଣାପଡ଼ିଛି । ଘଟଣାସ୍ଥଳରେ ବୌଦ୍ଧ ପୁଲିସ ପହଁଚି ଜେସିବି ଓ ବାଇକକୁ ଜବତ କରିବା ତଦନ୍ତ ଆରମ୍ଭ କରିଛି ।
Comments are closed.