ବୌଦ୍ଧ/ହରଭଙ୍ଗା: ବୌଦ୍ଧ ଜିଲ୍ଲା ପ୍ରଶାସନ ପକ୍ଷରୁ ଗତ ମଙ୍ଗଳବାର ଦିନ ବାଉଁଶୁଣୀ ସ୍ୱାସ୍ଥ୍ୟ କେନ୍ଦ୍ର ସମ୍ମୁଖ ଓ ବାଉୁଁଶୁଣୀ ବଜାର ତଥା ୫୭ ନମ୍ବର ଜାତୀୟ ରାଜପଥ କଡରେ ଥିବା ଛୋଟ ଛୋଟ ଉଠାଦେକାନ ଗୁଡିକ ଉଚ୍ଛେଦ କରାଯାଇଛି । ପ୍ରଶାସନର ଏହି ଉଚ୍ଛେଦ ପକ୍ରିୟାକୁ ଉଠା ଦେକାନୀ ଗୁଡିକ ସ୍ୱାଗତ ପଦକ୍ଷେପ ବୋଲି କହିଛନ୍ତି । କିନ୍ତୁ ପ୍ରଶାସନ ଉଚ୍ଛେଦ ପରେ ଏମାନଙ୍କ ଥଇଥାନ ନେଇ କୌଣସି ପଦକ୍ଷେପ ନେଇ ନଥିବାରୁ ଦୁଃଖ ପ୍ରକାଶ କରିଛନ୍ତି । ରାସ୍ତା କଡରେ ଗରୀବ ପରିବାର ଗୁଡିକ ଦୀର୍ଘ ଦିନ ହେବ ଛୋଟ ଛୋଟ ଦୋକାନ କରି ନିଜର ପରିବାର ପ୍ରତିପୋଷଣ କରିଆସୁଥିଲେ । କିନ୍ତୁ ପ୍ରଶାସନ ପକ୍ଷରୁ ଉଚ୍ଛେଦ ପରେ ସେମାନେ ପୁରାପୁରି ବେରୋଜଗାର ହୋଇପଡିବା ସହ ଆର୍ଥିକ ଅନାଟନରେ ଗତି କରୁଛନ୍ତି । ପରିବାର ଗୁଡିକ ଏକ ପ୍ରକାର ଦୁର୍ଦ୍ଦଶାରେ ଗତି କରୁଛନ୍ତି । ପ୍ରଶାସନ ପକ୍ଷରୁ ତୁରନ୍ତ ଥଇଥାନ କରିବାକୁ ସେମାନେ ଶନିବାର ଦିନ ବାଉଁଶୁଣୀ ରାଜସ୍ୱ ନୀରିକ୍ଷକଙ୍କ ଜରିଆରେ ଏକ ଦାବୀ ପତ୍ର ବୌଦ୍ଧ ତହସିଲଦାରଙ୍କୁ ପ୍ରଦାନ କରିଛନ୍ତି ।
Popular Categories
Previous article
Next article