ବୌଦ୍ଧ: ଚୋରା ଗଞ୍ଜେଇ ଚାଲାଣବେଳେ ପୋଲିସକୁ ଦେଖି ଅଭିଯୁକ୍ତମାନେ ଗଞ୍ଜେଇ ଓ ବାଇକ ଛାଡି ଫେରାର ହୋଇଯିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ବୌଦ୍ଧ ପୁଲିସ ସୁତ୍ରରୁ ମିଳିଥିବା ସୂଚନା ମୁତାବକ ଗତ ମଙ୍ଗଳବାର ଦିନ ଏକ ବାଇକରେ ବଘିଆପଡା ଅଞ୍ଚଳରୁ ଗଞ୍ଜେଇ ଚାଲାଣ ହେଉଥିବା ଖବରପାଇ ପୁଲିସ ପକ୍ଷରୁ ଗାଡି ମୋଟର ଯାଞ୍ଚ କରାଯାଇଥିଲା । କିନ୍ତୁ ଅଭିଯୁକ୍ତମାନେ ପୁଲିସକୁ ଦେଖି ଫୁରୁଡା ଛକରେ ବାଇକ ଓ ଗଞ୍ଜେଇ ଛାଡି ଫେରାର ହୋଇଯାଇଥିଲେ । ପୁଲିସ ବାଇକରୁ ୨୫ କେଜି ଗଞ୍ଜେଇ ଜବତ କରିବା ସହ ଏକ ୟାମା ବାଇକ (ଓଆର – ୧୯ ଏଲ -୨୧୭୭)କୁ ମଧ୍ୟ ଜବତ କରିଥିଲା । ଏନେଇ ବୌଦ୍ଧ ଥାନା ପକ୍ଷରୁ ଥାନା କେସନଂ ୨୧୧/୨୨ରେ ଏକ ମାମଲା ରୁଜୁ କରିଛି । ଏନେଇ ବୌଦ୍ଧ ଥାନା ଅଧିକାରୀ ମାଧବାନନ୍ଦ ନାଏକଙ୍କୁ ପଚାରିବାରୁ ଗାଡିରେ ଦୁଇଜଣ ଅଭିଯୁକ୍ତ ଥିଲେ ପୁଲିସକୁ ଦେଖି ଗାଡି ଛାଡି ପଲାଇଥିଲେ ବୋଲି ସୂଚନା ଦେବାସହିତ ଖୁବ ଶିଘ୍ର ଅଭିଯୁକ୍ତମାନଙ୍କୁ ଗିରଫ କରାଯିବ ବୋଲି ପ୍ରକାଶ କରିଥିଲେ ।
Popular Categories
Previous article
Next article