ଟାଙ୍ଗିଆରେ ହାଣି ପତ୍ନୀକୁ ହତ୍ୟା ଘଟଣାରେ ମଦ୍ୟପ ସ୍ୱାମୀ ଗିରଫ 

ବୌଦ୍ଧ : ବୌଦ୍ଧ ଜିଲା ହରଭଙ୍ଗା ବ୍ଳକର ଚମ୍ପାପୁର ଟିକିରାସାହିରେ ଗତ ମଙ୍ଗଳବାର ଦିନ ସ୍ତ୍ରୀକୁ ହତ୍ୟା ଘଟଣାରେ ଅଭିଯୁକ୍ତ ମଦ୍ୟପ ସ୍ୱାମୀକୁ ଗୁରୁବାର ପୁଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି। ମାମଲାରୁ ପ୍ରକାଶ ଚମ୍ପାପୁର ଟିକିରାସାହି ଠାରେ ସନାତନ ନାଗ ( ୫୦) ନିଜର ଦିତୀୟ ପତ୍ନୀ ଅମୃତି ଅଦର (୪୦) ଙ୍କୁ ପାରିବାରିକ କଳହ ଯୋଗୁଁ ଟାଙ୍ଗିଆରେ ନିର୍ମମ ଭାବେ ହତ୍ୟା କରିଥିଲା। ସ୍ତ୍ରୀକୁ ହତ୍ୟା କରିବା ପରେ ଅଭିଯୁକ୍ତ ମଦ୍ୟପ ସ୍ୱାମୀ ସନାତନ ଫେରାର ହୋଇ ଯାଇଥିଲା।

ମିଳିଲା ହସ୍ପିଟାଲରୁ ଚୋରି ହୋଇଥିବା ଶିଶୁ

ବୌଦ୍ଧ ପୁଲିସ ଗୁରୁବାର ଦିନ ସକାଳେ ଅଭିଯୁକ୍ତ ସ୍ୱାମୀକୁ ବାମଣ୍ଡା ନିକଟରୁ ଗିରଫ କରିଛି। ଏନେଇ ବୌଦ୍ଧ ଥାନା ଅଧିକାରୀ ରଂଜିତ କୁମାର ମୁନୀଙ୍କୁ ପଚାରିବାରୁ ଅଭିଯୁକ୍ତକୁ ବାମଣ୍ଡା ନିକଟରୁ ଗିରଫ କରାଯାଇଥିବା ସହ କୋର୍ଟ ଚାଲାଣ କରାଯାଇଥିବା ପ୍ରକାଶ କରିଛନ୍ତି।