ବୌଦ୍ଧ:ବୌଦ୍ଧ ଜିଲାର ବାଉଁଶୁଣି ବଜାରରେ ଥିବା ବାସୁଦେବ ଅଗ୍ରୱାଲଙ୍କ କିରାନା ହୋଲ୍ସେଲ୍ ଦୋକାନ ମା ଚରଦେଇ ଷ୍ଟୋରରେ ଶୁକ୍ରବାର ଜିଏସଟି ଚଢ଼ଉ ହୋଇଛି। ସମ୍ବଲପୁରରୁ ଏକ ତିନି ଜଣିଆ ଦଳ ଆସି ସ୍ଥାନୀୟ ପୁଲିସ ସହାୟତାରେ ଚଢ଼ଉ କରିଛନ୍ତି। ଜିଏଟି ଠକେଇର ପରିମାଣ ସ୍ପଷ୍ଟ ହୋଇ ନଥିବା ବେଳେ ସନ୍ଧ୍ୟା ପର୍ଯ୍ୟନ୍ତ ଖୋଳତାଡ଼ ଜାରି ରହିଛି। ସଂପୃକ୍ତ ଦୋକାନ ବିରୋଧରେ ପୂର୍ବରୁ ଅଭିଯୋଗ ହୋଇଥିଲା। ସକାଳୁ ଚଢ଼ଉ କରି ପ୍ରାଥମିକ ପର୍ଯ୍ୟାୟରେ ଖରିଦ ଓ ବିକ୍ରି ବିଲ୍ ଜବତ କରାଯାଇଛି। ଏଥି ସହିତ ଗଚ୍ଛିତ ଥିବା ଜିନିଷର ମୂଲ୍ୟାଙ୍କନ କରାଯାଉଛି। ସେ ସବୁ ସହ ଆୟକର ଟିକସର ପରିମାଣ ଯାଞ୍ଚ କରାଯିବ। ତା’ପରେ ଜିଏସଟି ଫାଙ୍କି ହୋଇଛି ନା ନାହିଁ ଓ ତାହାର ପରିମାଣ ଜଣାପଡ଼ିବ ବୋଲି ଚଢ଼ଉରେ ସାମିଲ ହୋଇଥିବା ବିଭାଗୀୟ ଅଧିକାରୀ ଅରୁଣ ପ୍ରଧାନ ଦଳଚନା ଦେଇଛନ୍ତି।
Comments are closed.