ବୌଦ୍ଧ: ବୌଦ୍ଧ ଅବକାରୀ ବିଭାଗ ଏକ ଚୋରା ଗଂଜେଇ ଚାଲାଣକୁ ରୋକିବାରେ ସଫଳ ହୋଇଥିବାବେଳେ ୫୧ କେଜି ଗଂଜେଇ ଓ ଗୋଟିଏ କାର ଜବତ କରିବା ସହ ଦୁଇ ଜଣ ଆନ୍ତରାଜ୍ୟର ବ୍ୟବସାୟୀକୁ ଗିରଫ କରିଥିବା ଜଣାପଡ଼ିଛି। ଅବକାରୀ ବିଭାଗ ପକ୍ଷରୁ ମିଳିଥିବା ସୁଚନା ଅନୁଯାୟୀ ବୁଧବାର ଦିନ ଗଂଜେଇ ଚାଲାଣ ହେଉଥିବା ଖବର ପାଇ ବୌଦ୍ଧ ଅବକାରୀ ବିଭାଗ ଖୋର୍ଦ୍ଧା-ବଲାଙ୍ଗିର ଜାତୀୟ ରାଜପଥର ବୌଦ୍ଧ ସହରର ବ୍ରିଜ ଛକ ନିକଟରେ ଥିବା ଆଞ୍ଚଳିକ ପରିବହନ କାର୍ଯ୍ୟାଳୟ ଆଗରେ ଜଗି ରହିଥିଲେ। ଏହି ସମୟରେ ଏକ ମାରୁତି ସୁଜୁକି କାର ମୁରୁଷୁଣ୍ଡି ପଟୁ ଆସୁଥିବା ବେଳେ ସନ୍ଦେହରେ ଅଟକାଇଥିଲେ। କାର ଭିତରକୁ ୫୧ କେଜି ଗଞାଇ ଜବତ କରିବା ସହ କାରକୁ ଜବତ କରିଥିଲେ। କାର ଭିତରେ ଛତିଶଗଡ଼ ରାଜ୍ୟ ରାୟଗଡ଼ ଜିଲାର ଲଲଲୁଙ୍ଗା ଥାନା ଅନ୍ତର୍ଗତ କୁଞ୍ଜରା ଗ୍ରାମର ଦିଲ କୁମାର ଭଗତ(୩୮) ଓ ପ୍ରମୋଦ କୁମାର ପ୍ରଧାନ (୩୧)ଙ୍କୁ ମଧ୍ୟ ଗିରଫ କରିଥିଲେ। ଏନେଇ ଏକ ମାମଲା ରୁଜ କରି ଦୁଇ ଅଭିଯୁକ୍ତଙ୍କୁ ବୁଧବାର ଦିନ କୋର୍ଟ ଚାଲାଣ କରାଯାଇଛି। ଏହି ଚଢାଉରେ ଅବକାରୀ ଇନିସିପେକ୍ଟର ସ୍ପନ୍ଦନ ମହାନ୍ତି, ଏଏସଆଇ ରୁପେଶ ମୁଖି, କନେଷ୍ଠବଳ ପ୍ରିୟଜନ କହଁର, ସତ୍ୟନନ୍ଦନ ମୁଖି ଓ ଅନ୍ୟ କର୍ମଚାରୀ ସାମିଲ ଥିଲେ।
Comments are closed.