ବୌଦ୍ଧ : ବୌଦ୍ଧ ରାଜପ୍ରାସାଦ ନିକଟରେ ଭଡାରେ ରହୁଥିବା ଜଣେ ନବବିବାହିତା ବେକରେ ଲୁଗା ଦେଇ ଆତ୍ମହତ୍ୟା କରିଥିବା ଜଣାପଡିଛି। ସୂଚନା ମୁତାବକ ବୌଦ୍ଧ ବିଦ୍ୟୁତ ବିଭାଗରେ ମେଣ୍ଟେନାନସ ମେନେଜର ଭାବରେ କାର୍ଯ୍ୟ କରୁଥିବା ତପନ କୁମାର ମହାକୁଡ ଅଳ୍ପଦିନ ପୂର୍ବରୁ ବିବାହ କରି ପତ୍ନୀ ନମିତା ମହାକୁଡଙ୍କ ସହିତ ବୌଦ୍ଧ ରାଜବାଟୀ ନିକଟରେ ଏକ ଭଡାଘରେ ରହୁଥିଲେ।
ରବିବାର ତପନ କାର୍ଯ୍ୟରେ ବ୍ୟସ୍ତ ଥିବାବେଳେ ପତ୍ନୀ ନମିତା ମୋବାଇଲ ଯୋଗେ ସେ ଆତ୍ମହତ୍ୟା କରିବାକୁ ଯାଉଥିବା ଜଣାଇଥିଲେ। ତପନ ବ୍ୟସ୍ତ ହୋଇ ଘରେ ପହଞ୍ଚିବାବେଳେ ଘର ଭିତରପଟରୁ ବନ୍ଦ ରହିଥିଲା। ଝରକା ପଟରୁ ଦେଖିବାବେଳେ ନମିତାଙ୍କ ଶରୀର ପଙ୍ଖାରେ ଝୁଲୁଥିଲା। ସେ ତୁରନ୍ତ ଏ ସମ୍ପର୍କରେ ପୁଲିସକୁ ସୂଚନା ଦେଇଥିଲେ। ପୁଲିସ ପହଞ୍ଚି ଘରର କବାଟ ଖୋଲିବାପରେ ନମିତାଙ୍କ ମୃତ ଦେହ ଉଦ୍ଧାର କରାଯାଇଥିଲା। ପୁଲିସ ଓ ମାଜିଷ୍ଟ୍ରେଟଙ୍କ ଉପସ୍ଥିତିରେ ଘଟଣାର ପ୍ରାଥମିକ ତଦନ୍ତ ପରେ ଶବ ବ୍ୟବଛେଦ ପାଇଁ ପଠାଯାଇଥିଲା। ନମିତାଙ୍କ ପରିବାରଲୋକ ପହଞ୍ଚିବାରେ ପରେ ସ୍ୱାମୀ ତପନ ତାଙ୍କ ଝିଅକୁ ଯୌତୁକ ପାଇଁ ନିର୍ଯ୍ୟାତନା ଦେଇ ଆସୁଥିବା ନେଇ ଥାନାରେ ଅଭିଯୋଗ କରିଥିବା ଜଣାଯାଇଛି। ପୁଲିସ ପକ୍ଷରୁ ଏକ ମାମଲା ରୁଜୁ କରାଯାଇ ସ୍ୱାମୀ ତପନକୁ ଥାନାରେ ଅଟକ ରଖିବା ସହ ଘଟଣାର ତଦନ୍ତ ଜାରି ରହିଥିବା ସୂଚନା ଦିଆଯାଇଛି।
Comments are closed.