ଦେଓଗାଁ: ବଲାଙ୍ଗୀର ଜିଲ୍ଲାର ଦେଓଗାଁ ବ୍ଳକ ମକୁନ୍ଦପୁର ପଞ୍ଚାୟତ ଅଧିନରେ ଥିବା ପର୍ଯ୍ୟଟନ ସ୍ଥଳୀ ଭୀମପାହାଡ଼ରେ ୧୯ତମ ଗିରି ଗୋବର୍ଦ୍ଧନ ପୂଜା ଉପଲକ୍ଷେ ଅନୁଷ୍ଠିତ ହୋଇଥିବା ଦଶମ ଭୀମପାହାଡ଼ ମହୋତ୍ସବର ଶନିବାର ଥିଲା ଦ୍ବିତୀୟ ସନ୍ଧ୍ୟା। ରାତି ସାଢେ଼ ୧୦ଟାରେ ଅନୁଷ୍ଠିତ ହୋଇଥିବା ରାଜ ଦରବାରର ସାଂସ୍କୃତିକ ସଭାରେ ମୁଖ୍ୟଅତିଥି ଭାବେ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମୁକେଶ ମହାଲିଙ୍ଗ ଯୋଗଦେଇ ଭୀମ ପାହାଡ଼ ମାଟି ଗୋଟିଏ ବିରତ୍ଵ ମାଟି, ଏହି ମାଟିରେ ଅନେକ ସ୍ୱାଧୀନତା ସଂଗ୍ରାମୀ ଇଂରେଜମାନଙ୍କ ସହ ଲଢେ଼ଇ କରି ଭୀମପାହାଡ଼ରେ ଅସ୍ତ୍ରଶସ୍ତ୍ର ତିଆରି କରୁଥିଲେ ବୋଲି କହିଥିଲେ।
ଏହାର ଇତିହାସର ସୁରକ୍ଷା କରି ପର୍ଯ୍ୟଟନ ସ୍ଥଳୀ ର ବିକାଶ କରା ହେବ ସ୍ବାସ୍ଥ୍ୟ ଓ ସାମାଜିକ କ୍ଷେତ୍ର ରେ ବିପ୍ଳବ ଆଣି ଲୋକଙ୍କ ଆର୍ଥିକ ସ୍ଥିତି ସୁଦୃଢ଼ କରାଯିବ ବୋଲି କହିଥିଲେ। ଏହି ଅବସରରେ ପାଟଖଣ୍ଡା ମହୋତ୍ସବ କମିଟି, ଗୌଡ଼ଗୋଠ ଓ ଡାକ୍ତର ଆଲିଶା ମେହେର, ଡା ଲଲାଟେନ୍ଦୁ ନାୟକ, ଡ଼ା ଅର୍ପିତା ପଣ୍ଡାଙ୍କୁ ଭୀମପାହାଡ଼ ସମ୍ମାନରେ ସମ୍ମାନୀତ କରାଯାଇ ଥିଲା।
Comments are closed.