ଆଠଗଡ : ଓଡିଶା ମୋ ପରିବାର, ଜୀବନବିନ୍ଦୁ ଓ କନ୍ଦପୁର ପଞ୍ଚାୟତର ମିଳିତ ଆନୁକୁଲ୍ୟରେ ଅନୁଷ୍ଠିତ ସ୍ୱେଚ୍ଛାକୃତ ରକ୍ତଦାନ ଶିବିରରେ ମୋଟ ୧୦୫ୟୁନିଟ ରକ୍ତ ସଂଗୃହିତ ହୋଇଛି । ସରପଞ୍ଚ କଲ୍ୟାଣୀ ଖଟୁଆଙ୍କ ସଂଯୋଜନାରେ ଅନୁଷ୍ଠିତ ଏହି ରକ୍ତଦାନ ଶିବିରକୁ ବିଜେଡି ଯୁବନେତା ତଥା ଆଇନଜୀବୀ ଆଦିତ୍ୟ ପ୍ରତାପ ସ୍ୱାଇଁ ମୁଖ୍ୟଅତିଥି ଭାବେ ଉଦ୍ଘାଟନ କରି ରକ୍ତଦାତାଙ୍କୁ ଉତ୍ସାହିତ କରିଥିଲେ। ରାଜ୍ୟର ରକ୍ତର ଅଭାବ ଦୂରକରିବା ଦିଗରେ ଆଠଗଡର ଅବଦାନ ଅତୁଳନୀୟ ଏବଂ ରକ୍ତଦାନ ଭଳି ଏକ ଶ୍ରେଷ୍ଠ ମାନବ ସେବା ପାଇଁ ଆଗେଇ ଆସୁଥିବା ରକ୍ତଦାତା ବାସ୍ତବିକ ପ୍ରଶଂସାର ପାତ୍ର ବୋଲି ଶ୍ରୀ ସ୍ୱାଇଁ ମତବ୍ୟକ୍ତ କରିଥିଲେ। ଏଥିରେ ସମ୍ମାନିତ ଅତିଥି ଭାବେ ଜିଲ୍ଲାପରିଷଦ ସଭ୍ୟ ବଳଭଦ୍ର ବାଘ, ପୂର୍ବତନ ସରପଞ୍ଚ ସନ୍ତୋଷ ସାହୁ, ସମିତି ସଭ୍ୟ ମାନସ ସାହୁ ପ୍ରମୁଖ ଯୋଗଦେଇ ଉଦ୍ବୋଧନ ଦେଇଥିଲେ। କଟକ ରେଡକ୍ରସ ରକ୍ତଭଣ୍ଡାରର ଡାକ୍ତରୀ ଦଳ ରକ୍ତ ସଂଗ୍ରହ କରିଥିଲେ। ଜୀବନବିନ୍ଦୁର କର୍ମକର୍ତ୍ତାଙ୍କ ସହିତ କନ୍ଦରପୁର ଅଞ୍ଚଳର ବହୁ ଉତ୍ସାହୀ ଯୁବକ ଓ ସ୍ଥାନୀୟ ମାନ୍ୟଗଣ୍ୟ ବ୍ୟକ୍ତି ଏହି ଶିବିରରେ ଯୋଗଦାନ କରିଥିଲେ।
Comments are closed.