ନବରଙ୍ଗପୁର: ଶ୍ରୀ ସତ୍ୟସାଇ ବାବାଙ୍କର ୯୭ତମ ଜନ୍ମଉତ୍ସବ ଇକ୍ତାବତୀଗୁଡାସ୍ଥିତ ଶ୍ରୀ ସତ୍ୟସାଇ ମନ୍ଦିରରେ ପାଳନ କରାଯାଇଛି। ଏଥିପାଇଁ ସ୍ୱ୍ୱତନ୍ତ୍ର ପୂଜାପାଠ, ପ୍ରାର୍ଥନା ଓ ଭଜନ କରାଯାଇଥିଲା। ଏହା ପରେ ଏକ ସ୍ୱେଚ୍ଚାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା। ଏହି ଶିବିରକୁ ଡାକ୍ତର କୈଳାଶ ଚନ୍ଦ୍ର ପାତ୍ର ଉଦ୍ଘାଟନ କରିଥିଲେ। ଏଥିରେ ନବରଙ୍ଗପୁର ଜିଲାପାଳ କମଳ ଲୋଚନ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ପ୍ରଥମେ ରକ୍ତଦାନ କରି ମହାନତାର ପରିଚୟ ଦେଇଥିଲେ। ଏହାପରେ ଶ୍ରୀ ସତ୍ୟସାଇ ସେବା ସଂଗଠନ, ଜୁନିୟର ରେଡକ୍ରସ ସୋସାଇଟି ଓ ଶିକ୍ଷକ ଯୋଗଦେଇ ମୋଟ ୫୧ ଜଣ ସଦସ୍ୟ ରକ୍ତଦାନ କରିଥିଲେ। ସଂଗଠନର ସମସ୍ତ କର୍ମକର୍ତ୍ତା ଓ ସଦସ୍ୟସଦସ୍ୟା ସହଯୋଗ କରିଥିଲେ। ଜିଲା ମୁଖ୍ୟଚିକିତ୍ସାଳୟ ରକ୍ତ ଭଣ୍ଡାରର ଅଧିକାରୀ ଓ ତାଙ୍କର ଦଳ ରକ୍ତ ସଂଗ୍ରହ କରିବାରେ ସହଯୋଗ କରିଥିଲେ।
Comments are closed.