ଆଠଗଡ଼ : ଆଠଗଡ ଅଞ୍ଚଳର ଅନ୍ୟତମ ଅଗ୍ରଣୀ ସ୍ବେଚ୍ଛାସେବୀ ସଙ୍ଗଠନ, ଆଠଗଡ ବିକାଶ ମଞ୍ଚ ପକ୍ଷରୁ ରବିବାର ସ୍ଥାନୀୟ ସମସରପୁର ପଞ୍ଚାୟତ ଶବର ସାହିରେ ନିରାଶ୍ରୟ, ବିଧବା ଓ ଭିନ୍ନକ୍ଷମଙ୍କୁ କମ୍ବଳ ବଣ୍ଟନ କରାଯାଇଛି । ମଞ୍ଚର ପ୍ରତିଷ୍ଠାତା ସଭାପତି ତଥା ସମାଜସେବୀ ମାନସ ରଞ୍ଜନ ବସ୍ତିଆ ନିଜେ ଅନ୍ୟ ସହଯୋଗୀଙ୍କ ସହ ସେଠାକୁ ଯାଇ ଗରିବ, ନିରାଶ୍ରୟ, ବିଧବା ଓ ଭିନ୍ନକ୍ଷମ ବ୍ୟକ୍ତିଙ୍କୁ ଭେଟି ସେମାନଙ୍କର ଭଲମନ୍ଦ ବୁଝିବା ସହିତ ଶୀତରୁ ରକ୍ଷା ପାଇଁ ସେମାନଙ୍କୁ ପ୍ରାୟ ୫୦ରୁ ଅଧିକ କମ୍ବଳ ବଣ୍ଟନ କରିଥିଲେ। ସମସ୍ତ ହିତାଧିକାରୀ ଓ ସାହି ବାସିନ୍ଦା ବିକାଶ ମଞ୍ଚର ଏପରି ଜନହିତକର କାର୍ଯ୍ୟକୁ ପ୍ରଶଂସା କରିବା ସଙ୍ଗେ ସଙ୍ଗେ ଶ୍ରୀ ବସ୍ତିଆଙ୍କୁ କୃତଜ୍ଞତା ଜଣାଇଥିଲେ।
Comments are closed.