ସମାଜ ଡିଜିଟାଲ ଡେସ୍କ: ଲୋକସଭା ନିର୍ବାଚନ ଯେତିକି ପାଖେଇ ଆସୁଛି ସବୁ ଦଳ ମଧ୍ୟରେ ତତ୍ପରତା ସେତିକି ପ୍ରକାଶ ପାଇଛି । କେଉଁ ଦଳ ପ୍ରଥମେ ପ୍ରାର୍ଥୀଙ୍କ ତାଲିକା ଘୋଷଣା କରିବ ତାହାକୁ ନେଇ ସମସ୍ତଙ୍କ ନଜର ରହିଛି । ଏସବୁ ଭିତରେ ବିଜେପି ଶିବିରରୁ ବଡ ଖବର ସାମ୍ନାକୁ ଆସିଛି । ମାର୍ଚ୍ଚ ପ୍ରଥମ ସପ୍ତାହରେ ବିଜେପି ପକ୍ଷରୁ ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ ପାଇପାରେ । ପ୍ରଥମେ ୧୦୦ ପ୍ରାର୍ଥୀଙ୍କ ନାମ ଘୋଷଣା କରିପାରେ ବିଜେପି ।
କୁହାଯାଉଛି ଯେ ୨୦୧୪ ଓ ୨୦୧୯ରେ ଯେଉଁ ଆସନରେ ବିଜେପି ହାରିଥିଲା ପ୍ରଥମେ ସେହି ଆସନରେ ପ୍ରାର୍ଥୀଙ୍କ ନାମ ଘୋଷଣା କରାଯିବ । ଏଥିରେ ଉତ୍ତରପ୍ରଦେଶର ୧୪ଟି ଲୋକସଭା ଆସନ ରହିଛି । ପ୍ରଥମେ ଏହି ଆସନରେ ନାମ ଘୋଷଣା କରି ପ୍ରାର୍ଥୀଙ୍କୁ ଜନସାଧାରଣଙ୍କ ନିକଟରେ ପହଞ୍ଚାଇବାକୁ ପର୍ଯ୍ୟାପ୍ତ ସମୟ ଓ ସୁଯୋଗ ଦେବାକୁ ଦଳ ଲକ୍ଷ୍ୟ ରଖିଛି ।
Comments are closed.