ଦୋବାଲ : ଭଦ୍ରକ ଜିଲ୍ଲା ଧାମନଗର ଥାନା ଅନ୍ତର୍ଗତ ଦଳାଙ୍ଗ ପଞ୍ଚାୟତ ଜାହାଙ୍ଗିର ଶାସନ ଗ୍ରାମରେ ଜଣେ ଦଶମ ଶ୍ରେଣୀ ଛାତ୍ର ଆତ୍ମହତ୍ୟା କରିଛନ୍ତି। ସୁଦୂର ମୟୂରଭଞ୍ଜ ଜିଲ୍ଲାର ଉଦଳା ବ୍ଲକ ଅଞ୍ଚଳର ଅଭୟ ପଣ୍ଡାଙ୍କ ପୁଅ ଅଭିଷେକ ପଣ୍ଡା (୧୬) ନିଜ ମାଉସୀ ଘର ଧାମନଗର ସ୍ଥିତ ଜାହାଙ୍ଗୀର ଶାସନ ଗ୍ରାମରେ ରହି ଦଶମ ଶ୍ରେଣୀର ପାଠ ପଢ଼ୁଥିଲେ। ଦଶମ ଶ୍ରେଣୀର ବୋର୍ଡ ପରୀକ୍ଷା ଚାଲୁଥିବା ବେଳେ ଅଭିଷେକ ନଦିଗାଁ ହାଇସ୍କୁଲରେ ପ୍ରଥମ ସାହିତ୍ୟ ପରୀକ୍ଷା ଦେଇ ସାରିଥିଲେ। ଶୁକ୍ରବାର ଇଂରାଜୀ ପରୀକ୍ଷା ଥିଲା। ହେଲେ ଗତ କାଲି ରାତିରେ ନିଜ ଶୋଇବା ଘର ଭିତରେ ଫ୍ୟାନରେ ମାଉସୀର ଲୁଗା ଲଗାଇ ଆତ୍ମହତ୍ୟା କରିଥିବା ଜଣାଯାଇଛି। ତେବେ ପ୍ରେମ ଜନିତ କାରଣରୁ ଅଭିଷେକ ଆତ୍ମହତ୍ୟା କରିଥିବା ତାର ମାଉସୀ ଅଳକା ଦାଶ ଅଭିଯୋଗ କରିଛନ୍ତି। ତେବେ ଘଟଣାସ୍ଥଳରେ ଧାମନଗର ପୁଲିସ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଯାଇଥିବା ବେଳେ ତଦନ୍ତ ଆରମ୍ଭ କରିଛି। ତେବେ ପୁଲିସର ତଦନ୍ତ ପରେ ସଠିକ୍ ସୂଚନା ମିଳିପାରିବ। ତେବେ ଅଭିଷେକଙ୍କ ବାପା ଓ ମା’ଙ୍କ ମଧ୍ୟରେ ମତାନ୍ତର ଲାଗି ରହିଥିବାରୁ ପୁଅ ଅଭିଷେକ ମାଉସୀ ଘରେ ରହି ନିକଟ ଜାହାଙ୍ଗିର ଜନତା ଉଚ୍ଚ ବିଦ୍ୟାଳୟରେ ପାଠ ପଢୁଥିଲେ।
Popular Categories
Previous article
Next article