ପଡିଗଲେ ବଡଠାକୁର: ଏହା ଏକ ଅକ୍ଷମଣୀୟ ତ୍ରୁଟି-ବିଜେଡି

ଭୁବନେଶ୍ୱର: ଆଡପ ମଣ୍ଡପ ବିଜେ ବେଳେ ବଡଠାକୁର ଶ୍ରୀବଳଭଦ୍ର ପଡିଯିବା ଘଟଣାରେ ବିଜେଡି ପ୍ରତିିକ୍ରିୟା ରଖିଛି । ଏହା ଏକ ଅକ୍ଷମଣୀୟ ତ୍ରୁଟି ବୋଲି କହିଛି ବିଜେଡି । ଭୁବନେଶ୍ୱର ମେୟର ତଥା ବିଜେଡି ନେତ୍ରୀ ସୁଲୋଚନା ଦାସ ପ୍ରେସମିଟ୍‍ କରି ଏହି ଅଘଟଣ ସାଢେ ୪କୋଟି ଓଡ଼ିଆଙ୍କୁ ଆଘାତ ଦେଇଥିବା କହିଛନ୍ତି । ଏଭଳି ତ୍ରୁଟି ଅକ୍ଷମଣୀୟ । ଏଭଳି ଅଭାବନୀୟ ଘଟଣାକୁ ନେଇ ସରକାରଙ୍କ ପକ୍ଷରୁ ଦିଆଯାଉଥିବା ମନ୍ତବ୍ୟ ଆହୁରି ମର୍ମାହତ କରୁଛି । ଉପମୁଖ୍ୟମନ୍ତ୍ରୀ ଓ ଆଇନମନ୍ତ୍ରୀ ଯେଉଁ ବକ୍ତବ୍ୟ ଦେଇଛନ୍ତି ତାହା ସମସ୍ତଙ୍କୁ ବ୍ୟଥିତ କରିଛି । ଏହାକୁ ମହାପ୍ରଭୁଙ୍କ ଇଚ୍ଛା ବୋଲି କହିବା ଅତ୍ୟନ୍ତ ଦୁଃଖଦାୟକ । ଏହା ଅତ୍ୟନ୍ତ ସମ୍ବେଦନଶୀଳ ପ୍ରସଙ୍ଗ । ସରକାରଙ୍କୁ ଅନୁରୋଧ କରୁଛୁ ନୀଳାଦ୍ରି ବିଜେ ଯାଏଁ ସବୁ କାମ ସୂଚାରୁ ଭାବେ କରନ୍ତୁ । ରଥଯାତ୍ରାରେ ଯେପରି ଆଉ କିଛି ସମସ୍ୟା ବା ବିଭ୍ରାଟ ଦେଖାନଯାଉ ।