ଭୁବନେଶ୍ଵର: ପୁନର୍ଗଠିତ ହୋଇଛି ବିଜୁ ଜନତା ଦଳର ମିଡିଆ ସେଲ୍। ମିଡିଆ ସେଲ୍ରେ ରହିଛନ୍ତି ୧୬ ଜଣ ବିଜେଡି ନେତା। ସୋମବାର ଦଳ ପକ୍ଷରୁ ୧୬ ଜଣିଆ ମିଡିଆ ଟିମ୍ ତାଲିକା ପ୍ରକାଶ ପାଇଛି। ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ସମସ୍ତଙ୍କୁ ନିଯୁକ୍ତି ଦିଆଯାଇଥିବା ନେଇ ବିଜେଡିର ବରିଷ୍ଠ ଗଣମାଧ୍ୟମ ସଂଯୋଜକ ପ୍ରତାପ ଜେନା ସୂଚନା ଦେଇଛନ୍ତି।
ନୂଆ ଟିମ୍ରେ ପ୍ରଶାନ୍ତ ମୁଦୁଲି, ବ୍ୟୋମକେଶ ରାୟ, ସୁବାସ ସିଂଙ୍କ ସମେତ ଗୌତମ ବୁଦ୍ଧ ଦାସ, ସାରଦା ଜେନା, ଲତିକା ପ୍ରଧାନ ରମେଶ ବେହେରା, ମନ୍ମଥ ରାଉତରାୟ ସ୍ଥାନ ପାଇଛନ୍ତି। ଏଥିସହ ତୁମ୍ବନାଥ ପଣ୍ଡା, ମିହିର ରାୟ, ଚିନ୍ମୟ ସାହୁ, ଇପ୍ସିତା ସାହୁ, ସୋଫିଆ ଆଲାମ୍, ଇରାନୀ ରାୟ, ବିଶ୍ୱନାଥ ପ୍ରତାପ ସାହୁ ଓ ଯୁବ ନେତା ଅରୁପ ଶ୍ରୀଚନ୍ଦନଙ୍କୁ ଏହି ଟିମ୍ରେ ସାମିଲ କରାଯାଇଛି।
