କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଡାକବଙ୍ଗଳାଠାରେ ଦୁଇ ବାଇକ ଧକ୍କାରେ ଦୁଇ ଜଣ ଗୁରୁତର ହୋଇଥିବା ଜଣାପଡିଛି । ସୂଚନା ଅନୁଯାୟୀ, ପାରସାଲି ପଞ୍ଚାୟତର ଗୁମା ଗାଁର ତିନିଜଣ ସିକକା ମିଶ୍ର (୩୫), କାଡ୍ରାକା ମୁକୁଲି (୧୮) ଓ କର୍ଷିକା ପିଣ୍ଟୁ( ୨୧) ଗୋଟିଏ ବାଇକରେ ସ୍ଥାନୀୟ ପେଟ୍ରୋଲବାଙ୍କକୁ ତେଲ ପକାଇବା ପାଇଁ ଯାଉଥିବା ବେଳେ ବିପରୀତ ଦିଗରୁ ବାଙ୍କରୁ ଗାଡ଼ିରେ ତେଲ ପକାଇ ପ୍ରେପକା ଶ୍ରୀକାନ୍ତ(୧୮) ଓ ବିଜୟ କାଡ୍ରାକା(୨୨) ଦେବଗିରି ନୂଆସାହିକୁ ଆସୁଥିବା ବେଳେ ବଙ୍ଗଳା ନିକଟରେ ମୁହାଁମୁହିଁ ଧକ୍କା ହୋଇଥିଲା । ଯାହାଫଳରେ ସମସ୍ତେ ଛିଟିକି ପଡ଼ିଥିଲେ । ଏହାକୁ କିଛି ଲୋକ ଦେଖି ସଙ୍ଗେ ସଙ୍ଗେ ୧୦୮ ଗାଡିକୁ ଯୋଗାଯୋଗ କରି ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଏଠାରେ ଡାକ୍ତର ସୌଭାଗ୍ୟ ଭୂଇଁ ପ୍ରାଥମିକ ଚିକିତ୍ସା କରିବା ପରେ ଗୁରୁତର ଦୁଇ କର୍ଷିକା ପିଣ୍ଟୁ ଓ ବିଜୟ କାଡ୍ରାକାଙ୍କୁ ଜିଲା ସ୍ୱାସ୍ଥ୍ୟକେନ୍ଦ୍ରକୁ ପଠାଇ ଦେଇଛନ୍ତି । ଅନ୍ୟମାନଙ୍କୁ ପ୍ରାଥମିକ ଚିକିତ୍ସା ପରେ ଛାଡ଼ିଦେଇଛନ୍ତି । ଘଟଣା ସ୍ଥଳରେ ପୁଲିସ ଏସଆଇ ସଞ୍ଜୟ କୁମାର ମୁର୍ମୁ ପହଞ୍ଚି ତଦନ୍ତ ଚଳାଇଛନ୍ତି।
Comments are closed.