ଭୁବନେଶ୍ୱର: ରାଜ୍ୟରେ ଥମୁନି ଧଳାଜହର କାରବାର । ପୁଣି ଆଜି ଖୋର୍ଦ୍ଧାରୁ ବପୁଳ ପରିମାଣର ଧଳାଜହର ଜବତ ହୋଇଛି । ଏସଟିଏଫ୍ ପକ୍ଷରୁ ଖୋର୍ଦ୍ଧାରେ ଚଢ଼ାଉ କରାଯାଇ ୨ କେଜି ଧଳାଜହର ଜବତ କରିବା ସହ ଘଟଣାରେ ୨ଜଣଙ୍କୁ ଅଟକ ରଖିଛି । ଅଟକ ୨ ଅଭିଯୁକ୍ତଙ୍କ ମଧ୍ୟରେ ଜଣଙ୍କ ନାଁରେ ହତ୍ୟା ମାମଲା ରହିଥିବା ସୂଚନା ମିଳିଛି । ଉଭୟ ୨ ଅଭିଯୁକ୍ତଙ୍କୁ ଧଳାଜହର କାରବାର ନେଇ ପଚରାଉଚରା କରୁଛି ଏସଟିଏଫ୍ ଟିମ୍ । କେଉଁଠୁ ଧଳାଜହର ଆସୁଛି ? ଏବଂ ଏହି ଧଳାଜହର କେଉଁଠାକୁ ଚାଲାଣ ହେଉଥିଲା ? ଏଥିରେ ଆଉ କେଉଁ ମାନଙ୍କର ସମ୍ପୃକ୍ତି ରହିଛି କି ? ସେନେଇ ତନାଘନା ଚଳାଇଛି ଏସଟିଏଫ୍ । ରାଜ୍ୟରେ ବାରମ୍ବାର ବିପୁଳ ପରିମାଣରେ ଧଳାଜହର ଜବତ ହେଉଥିବାରୁ ପୁଲିସ ଓ ଏସଟିଏଫର ମୁଣ୍ଡ ବିନ୍ଧା କାରଣ ପାଲଟିଛି । ଏନେଇ ଅଧିକ ତଦନ୍ତ ଜାରି ରହିଛି ।
Comments are closed.