ଚନ୍ଦ୍ରଗ୍ରହଣ ପାକତ୍ୟାଗକୁ ନେଇ ହେତୁବାଦୀ-ପରମ୍ପରାବାଦୀ ମୁହାଁମୁହିଁ; ଗୋବରମାଡ଼ କଲେ, ବ୍ୟାନର ଚିରିଲେ

ଭୁବନେଶ୍ୱର: ଚନ୍ଦ୍ରଗ୍ରହଣ ପାକତ୍ୟାଗକୁ ନେଇ ପୁଣି ମୁହାଁମୁହିଁ ହେଲେ ହେତୁବାଦୀ ଓ ପରମ୍ପରାବାଦୀ । ଭୁବନେଶ୍ୱର ଓ ବ୍ରହ୍ମପୁରରେ ହେତୁବାଦୀ ଓ ପରମ୍ପରାବାଦୀ ମୁହାଁମୁହିଁ ହୋଇଛନ୍ତି ।ଏହା ଛଡ଼ା ରାଜ୍ୟର ବିଭିନ୍ନ ସ୍ଥାନରେ ଏପରି ପରିସ୍ଥିତି ସୃଷ୍ଟି ହୋଇଛି । ଉଭୟଙ୍କ ମଧ୍ୟରେ ମୁହାଁମୁହିଁ ବେଳେ, ପୁଲିସ ଲାଠି ମାଡ଼ କରିଛି । ଭୁବନେଶ୍ୱର ଲୋହିୟା ଏକାଡେମୀ ନିକଟରେ ଧସ୍ତାଧସ୍ତି ହୋଇଛନ୍ତି ହେତୁବାଦୀ ଓ ପରମ୍ପରାବାଦୀ । ବଜରଙ୍ଗ ଦଳ ମଧ୍ୟ ହେତୁବାଦୀଙ୍କୁ ବିରୋଧ କରାଇଛନ୍ତି । ଆଜି ହେତୁବାଦୀଙ୍କ ପକ୍ଷରୁ ସାମୁହିକ ଭୋଜନର ଆୟୋଜନ କରାଯାଇଥିବା ବେଳେ ପରମ୍ପରାବାଦୀ ମାନେ ସେମାନଙ୍କ ବ୍ୟାନର ଚିରିବା ସହ ଗୋବରମାଡ଼ କରିଛନ୍ତି ।