ଭବାନୀପାଟଣା: ଆଜି ସ୍ଥାନୀୟ ଲାଲ ବାହାଦୁର ଷ୍ଟାଡିୟମ୍ ପାଖରେ ଥିବା ଏକ ଫାଷ୍ଟ ଫୁଡ୍ ଭ୍ୟାନ ରେ ନିଆଁ ଲାଗିଥିଲା। ଫୁଡ୍ ଭ୍ୟାନ ମାଲିକ ଆଶିଷ ରଂଜନ ମିଶ୍ର ଏବଂ ଗାଡି ନମ୍ୱର୍ ଓଡ଼ି୦୨ବିଏସ ୨୬୪୯ ବୋଲି ଜଣା ପଡିଛି। ଖବର ପାଇ ସ୍ଥାନୀୟ ଅଗ୍ନିଶମ ବିଭାଗ କର୍ମଚାରୀମାନେ ଘଟଣାସ୍ଥଳକୁ ଆସି ନିଆଁକୁ ଆୟତ୍ତ କରିଥିଲେ। ଫାଷ୍ଟ ଫୁଡ୍ ପାଇଁ ରୋଷେଇ ବେଳେ ଗ୍ୟାସ ଷ୍ଟୋଭ ରୁ ନିଆଁ ଲାଗିଥିବା ପ୍ରାଥମିକ ଭାବେ ଜଣାପଡିଛି। ନିଆଁ ପାଇଁ ଗାଡି ଏବଂ ପ୍ରସ୍ତୁତ ଖାଦ୍ୟ ପୋଡ଼ି ଯାଇଥିବା ବେଳେ କାହାର କିଛି କ୍ଷତି ହେଇ ନଥିବା ଜଣା ପଡ଼ିଛି। ଉଲ୍ଲେଖଯୋଗ୍ୟ ଯେ ସ୍ଥାନୀୟ ଷ୍ଟାଡିୟମ୍ ରାସ୍ତାରେ ସନ୍ଧ୍ୟାରେ ଏକାଧିକ ଫାଷ୍ଟଫୁଡ ଦୋକାନି ଅସୁରକ୍ଷିତ ଭାବେ ଖାଦ୍ୟ ପ୍ରସ୍ତୁତ କରି ବ୍ୟବସାୟ କରୁଥିବା ଦେଖିବାକୁ ମିଳେ।
Comments are closed.