ମ.ରାମପୁର : ଭବାନୀପାଟଣା, ମ.ରାମପୁରଓ ନର୍ଲା ଅବକାରୀ ବିଭାଗ ମିଳିତ ଭାବେ ପାଟ୍ରୋଲିଂ କରୁଥିବା ସମୟରେ କଳାହାଣ୍ଡି ଜିଲା ମ.ରାମପୁର ନିକଟସ୍ଥ ପାଜିବାହାଲି ଛକ ଓ ଶ୍ରୀପାଲି ଗାଁ ନିକଟରେ ଗଞ୍ଜେଇ ଭର୍ତ୍ତି ଏକ ଇନୋଭା କାର ଓ ଏକ ବାଇକରେ ଗଞ୍ଜେଇ ଚୋରା ଚାଲାଣ ହେଉଥିବା ଜାଣି ପାରି ଚଢ଼ାଉ କରିଥିଲେ। ଚଢ଼ାଉ ସମୟରେ ଉଭୟ ଇନୋଭା କାର ଓ ବାଇକରୁ ୧୨୫କେଜି ଗଞ୍ଜେଇ ଜବତ କରିଥିଲେ।
ଗଞ୍ଜେଇ ଚାଲାଣ ଅଭିଯୋଗରେ ୩ଜଣ ଅଭିଯୁକ୍ତକୁ ଗିରଫ ପରେ କୋର୍ଟ ଚାଲାଣ କରାଯାଇଛି। ଗିରଫ ୩ ଜଣକ ମଧ୍ୟରୁ ଜଣେ ଛତିଶଗଡ ଅଞ୍ଚଳର ନରେନ୍ଦ୍ର ନେତମ ଓ ଅନ୍ୟ ଦୁଇ ଜଣ ହେଲେ ମ. ରାମପୁର ବ୍ଳକର ମାଣିକେରା ପଞ୍ଚାୟତର ସୁଲେସୁର ଗାଁର ଟଙ୍କଧର ପାତ୍ର ଓ ବିମଳ ଭୋଇ। ଗଞ୍ଜେଇ ମୋହନଗିରି ଠାରୁ ଛତିଶଗଡ଼ ରାଜ୍ୟକୁ ଚାଲାଣ ହେଉଥିବା ଅବକାରୀ ବିଭାଗ ପକ୍ଷରୁ କୁହାଯାଇଛି। ଏହି ଚଢାଉରେ ଭବାନୀପାଟଣା ସଦର ଏକସାଇଜ ଇନିସପେକ୍ଟର ସୁଶାନ୍ତ ପ୍ରଧାନ, ମ.ରାମପୁର ଇନିସପେକ୍ଟର ଦେବାଶିଷ ସିରଦର ଓ ନର୍ଲା ଇନିସପେକଟର ପ୍ରଶାନ୍ତି ସ୍ଵାଇଁ ସମେତ ଅନ୍ୟାନ୍ୟ କର୍ମଚାରୀ ସାମିଲ ଥିଲେ।
