ପାତ୍ରପୁର: ପାତ୍ରପୁର ବ୍ଲକଠାରେ ସୋମବାର ଭତ୍ତା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ନଗର ଉନ୍ନୟନ ବିଭାଗ ମନ୍ତ୍ରୀ ଉଷାଦେବୀ ଯୋଗଦେଇ ସମସ୍ତ ହିତାଧିକାରୀଙ୍କୁ ପାଞ୍ଚ ମାସର ଭତ୍ତା ପ୍ରଦାନ କରିବା ସହିତ ଭତ୍ତା ପାଇଁ କେହି ଅର୍ଥ ଦାବୀ କଲେ ବିଡିଓଙ୍କୁ ଜଣାଇବେ ବୋଲି କହିଥିଲେ । ମୋଟ ୩୯୭ଜଣ ହିତାଧିକାରୀଙ୍କୁ ଭତ୍ତା ବଣ୍ଟନ କରାଯାଇଛି। ଏଥି ମଧ୍ୟରୁ ୩୨୪ ଜଣ ମଧୁବାବୁ ବିଧବା ଭତ୍ତା ମଧ୍ୟମରେ ଦିଆଯାଇଥିବା ବେଳେ ୭୩ ଜଣଙ୍କୁ ମଧୁବାବୁ ଦିବ୍ୟାଙ୍ଗ ଭତ୍ତା ପ୍ରଦାନ କରାଯାଇଛି। ଏହା ସହିତ ଦୁଇଜଣ ଦିବ୍ୟାଙ୍ଗଙ୍କୁ ବଣ୍ଟନ ପୂର୍ବରୁ ଟ୍ରାଇ ସାଇକେଲ ପ୍ରଦାନ କରାଯାଇଛି। କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷା ୱାଇ ସଂଯୁକ୍ତା, ଉପାଧ୍ୟକ୍ଷ ଅନାଦି ପଣ୍ଡିତ, ଏପି ନୋମିନି ସଚିଦାନନ୍ଦ ରାଜଗୁରୁଙ୍କ ସମେତ ବହୁ ଜନ ପ୍ରତିନିଧି ଯୋଗ ଦେଇଥିଲେ। ବିଡିଓ ପ୍ରକାଶ କୁମାର ଦାସ, ସିଡିପିଓ ସରୋଜ ବାଳା ଆଚାର୍ଯ୍ୟ, ସାମାଜିକ ସୁରକ୍ଷା ଅଧିକାରୀ ଦାମୋଦର ରେଡି ପ୍ରମୁଖ ଯୋଗ ଦେଇଥିଲେ।
Comments are closed.