ପତ୍ର ଏକ ଉପକାର ଅନେକ ;ଜାଣନ୍ତୁ କ’ଣ ରହିଛି ଏହି ପତ୍ରର ଔଷଧୀୟ ଗୁଣ

ବର୍ତ୍ତମାନ କରୋନା ଆକ୍ରାନ୍ତଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ଏଭଳି ସମୟରେ ନିଜର ରୋଗପ୍ରତିରୋଧକ ଶକ୍ତି ବୃଦ୍ଧି କରିବା ପ୍ରତି ବିଶେଷ ଧ୍ୟାନ ଦେବା ଆବଶ୍ୟକ। ରୋଗପ୍ରତିରୋଧକ ଶକ୍ତି ବୃଦ୍ଧି ପାଇଁ ଏକ ଶସ୍ତା ଓ ସହଜ ଉପାୟ ମଧ୍ୟ ରହିଛି। ସ୍ୱାସ୍ଥ୍ୟ ବିଶେଷଜ୍ଞଙ୍କ ମତାନୁଯାୟୀ, ଗୁଳୁଚି (ଗିଲୟ) ପତ୍ରର ପାଣିକୁ ଫୁଟାଇ ପିଇବା ଦ୍ୱାରା ରୋଗପ୍ରତିରୋଧକ ଶକ୍ତି ବୃଦ୍ଧି ପାଇଥାଏ। କିଛି ଲୋକେ ଏହାର ପତ୍ରକୁ ଅନ୍ୟ ଫଳ ସହ ମିଶାଇ ଜୁସ ପ୍ରସ୍ତୁତ କରି ପିଇଥାଆନ୍ତି।
ଗୁଳୁଚିର ପତ୍ର ଦେଖିବାକୁ ପାନପତ୍ର ଭଳି। ଏହାର ପତ୍ରରେ କ୍ୟାଲସିୟମ, ପ୍ରୋଟିନ, ଫସଫରସ ପର୍ଯ୍ୟାପ୍ତ ମାତ୍ରାରେ ରହିଛି। ଏହାବ୍ୟତୀତ ଏଥିରେ ହଜମ କ୍ରିୟାକୁ ମଧ୍ୟ ସୁସ୍ଥ ରଖିବାରେ ସାହାଯ୍ୟ କରେ। ବହୁ ମାରାତ୍ମକ ରୋଗରୁ ମଧ୍ୟ ଶରୀରକୁ ଦୂରରେ ରଖେ।
ଏହା ମେଟାବୋଲିଜିୟମ ସ୍ତର, ଶରୀରର ତାପମାତ୍ରାକୁ ସଠିକ ରଖିବା, କାଶ, ଥଣ୍ଡାରୁ ରକ୍ଷା କରିଥାଏ। ଏହାକୁ ଜୁସ ଓ ଫୁଟାଇ ପିଇବା ବ୍ୟତୀତ କାଡ଼ା ପ୍ରସ୍ତୁତ କରି ମଧ୍ୟ ପିଇପାରିବେ। ଏହାକୁ ଏକ ଉତ୍ତମ ଆୟୁର୍ବେଦିକ କାଡ଼ା ମଧ୍ୟ କୁହାଯାଏ।
ଏଥିରେ ଘିଅ ଓ ମହୁ ମିଶାଇ ପିଇଲେ ରକ୍ତର ଅଭାବ ଦୂର ହୋଇଥାଏ।
ଯେଉଁମାନଙ୍କର ଆଖି ଭିତର ଅଂଶ ଅଧିକାଂଶ ସମୟ ହଳଦିଆ ରଙ୍ଗ ଭଳି ଦେଖାଯାଉଛି , ସେମାନଙ୍କ ପାଇଁ ଏହି ପତ୍ର ବେଶ ଉପକାରୀ। ଏହାକୁ ପାଣିରେ ଫୁଟାଇ ଅଳ୍ପ ମହୁ ମିଶାଇ ପିଇପାରିବେ।
ଚର୍ମ ଜନିତ ସମସ୍ୟା ଥିଲେ , ଏହାର ପତ୍ରକୁ ପେଷି ପେଷ୍ଟ ପ୍ରସ୍ତୁତ କରନ୍ତୁ। ସକାଳ ଓ ସନ୍ଧ୍ୟାରେ ଏହାକୁ ହାତରେ ଓ ଗୋଡ଼ରେ ଲଗାନ୍ତୁ। ଏହା ଖୁବ ଲାଭଦାୟକ।
ପେଟ ଜନିତ ବହୁ ସମସ୍ୟା ମଧ୍ୟ ଏହା ଦୂର କରେ। କୋଷ୍ଠକାଠିନ୍ୟ, ଗ୍ୟାସ , ଏସିଡ଼ିଟିକୁ ଏହା ଦୂର କରିବା ସହ ଖାଦ୍ୟକୁ ହଜମ କରିବାରେ ସହାୟକ ହୋଇଥାଏ।
ଥଣ୍ଡା ଓ ଜ୍ୱରରୁ ରକ୍ଷା ପାଇବା ପାଇଁ ମଧ୍ୟ ଏହାକୁ ବ୍ୟବହାର କରାଯାଏ।