ବେଗୁନିଆ: ବେଗୁନିଆ ଗ୍ରାମର ପଦ୍ମଚରଣ ବେହେରା ବାଘମାରୀ ଥାନା ଅନ୍ତର୍ଗତ ସାରୁଅ ଗ୍ରାମର ବାନାମ୍ବର ମହାଭୋଇଙ୍କ ଭଉଣୀଙ୍କୁ ବିବାହ କରିଥିଲେ। ଗତକାଲି ଅପରାହ୍ନରେ କୌଣସି କାରଣକୁ ନେଇ ଉଭୟ ପତି ପତ୍ନୀଙ୍କ ମଧ୍ୟରେ ଗଣ୍ଡଗୋଳ ଘଟିଥିଲା। ଗଣ୍ଡଗୋଳର ସମାଧାନ କରିବା ପାଇଁ ବାନାମ୍ବର ଉଦ୍ୟମ କରିବା ସମୟରେ ପଦ୍ମଚରଣ ଏକ ଛୁରୀ ଦ୍ୱାରା ବାନାମ୍ବରଙ୍କୁ ଆକ୍ରମଣ କରିଥିଲେ। ଏଥିରେ ସେ ଆହତ ହୋଇ ଖୋର୍ଦ୍ଧା ଡାକ୍ତରଖାନାରେ ଚିକିତ୍ସିତ ହେବା ପରେ ବାଘମାରୀ ଥାନାରେ ଗତକାଲି ରାତିରେ ଅଭିଯୋଗ କରିଥିଲେ। ଅଭିଯୋଗ ପାଇ ବାଘମାରୀ ପୁଲିସ ପଦ୍ମଚରଣକୁ ଆଜି ଗିରଫ କରି କୋର୍ଟ ଚାଲାଣ କରିଛି।
ଉଲ୍ଲେଖଯୋଗ୍ୟଯେ ପଦ୍ମଚରଣ ଙ୍କ ନାମରେ ବେଗୁନିଆ ଥାନାରେ ଏକ ହତ୍ୟା ଅଭିଯୋଗ ସହିତ ପତ୍ନୀଙ୍କୁ ଯୌତୁକ ନିର୍ୟାତନା ଦେବା ଅଭିଯୋଗ ରେ ଦୁଇଟି କେଶ ରହିଥିବାର ବାଘମାରୀ ଥାନା ଅଧିକାରିଣୀ ଅର୍ଚ୍ଚନା ମଲ୍ଲିକଙ୍କ ଠାରୁ ପ୍ରକାଶ।
Comments are closed.