ବେଗୁନିଆ : ବେଗୁନିଆ ବ୍ଲକରେ ସମୁଦାୟ ୩୩୨ଟି ଭୋଟ ଗ୍ରହଣ କେନ୍ଦ୍ରରେ ୧ ଲକ୍ଷ ୨୮ ହଜାର ୪୨ ଜଣ ଭୋଟର ଆସନ୍ତା ୧୮ତାରିଖ ଦିନ ହେବାକୁ ଥିବା ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ସେମାନଙ୍କର ମତ ସାବ୍ୟସ୍ତ କରିବେ । ଉକ୍ତ ବ୍ଲକରେ ୧୫ ଟି ଭୋଟ ଗ୍ରହଣ କେନ୍ଦ୍ରକୁ ଉତେଜନାପ୍ରବଣ କେନ୍ଦ୍ର ଭାବେ ଚିହ୍ନଟ କରାଯାଇଛି ।ଆଜି ନିର୍ବାଚନ ପ୍ରଚାର ଶାନ୍ତି ଶୃଙ୍ଖଳାର ସହ ଶେଷ ହୋଇଛି ।ଏଠାରେ ଅତି ଉତ୍ତେଜନାପ୍ରବଣ ବୁଥ ନଥିବାବେଳେ ଶାନ୍ତି ଶୃଙ୍ଖଳାର ସହିତ ଭୋଟ କାର୍ଯ୍ୟ ଶେଷ ହେବ ବୋଲି ଭୋଟର ମାନେ ଆଶା ପ୍ରକାଶ କରିଛନ୍ତି । ଉକ୍ତ ବ୍ଲକରେଥିବା ବେଗୁନିଆ ଏବଂ ବାଘମାରୀ ଥାନା ପୁଲିସ ତରଫରୁ ଥାନା ଅଞ୍ଚଳରେ ପଇଁତରା ବ୍ୟବସ୍ଥାକୁ କଡାକଡି କରାଯାଇଛି । ବେଗୁନିଆ ଥାନା ଅଧିକାରୀ ଲଷ୍ମୀପ୍ରସାଦ ଶତପଥୀ ଏବଂ ବାଘମାରୀ ଥାନା ଅଧିକାରିଣୀ ଅର୍ଚ୍ଚନା ମଲ୍ଲିକ ଆଇନ ଶୃଙ୍ଖଳା ପ୍ରତି କଡା ନଜର ରଖିଥିବା ଜଣାପଡିଛି ।ବେଗୁନିଆ ବ୍ଲକର ୨୧ ଟି ପଂଚାୟତରେ ୨୧ ଜଣ ସେକ୍ଟର ଅଫିସରଙ୍କୁ ସମସ୍ତ ବୁଥ ଦାୟିତ୍ୱ ଦିଆଯାଇଛି ।
Comments are closed.