ବାସୁଦେବପୁର : ଗୋଚର ଜମିରୁ ଗଛ କଟାକୁ ବିରୋଧ। ଚତୁର କାଠ ମାଫିଆଙ୍କ ରଣ କୈାଶଳ ନିକଟରେ ହାର ମାନିଛି ପ୍ରଶାସନ। ଆକାଶିଆ କାଠଗଣ୍ଡିକୁ ବନ ବିଭାଗ ଜବତ ଗୋଚର କରିବା ସମୟରେ କେତେକ ମହିଳା ଏହାକୁ ଅଟକ କରିଛନ୍ତି। ଏହି କାଠଗଣ୍ଡି ଗୋଚର ଜମିରେ ହୋଇଥିବାରୁ ଏହା ବନ ବିଭାଗର ନୁହେଁ ତେଣୁ ବନବିଭାଗ କାହିକିଁ ଜବତ କରିବ ବୋଲି ପଚାରିବା ସହିତ ତହସିଲଦାର କୈାଣସି କାର୍ଯ୍ୟାନୁଷ୍ଠାନ ନେଇନପାରିବା କାରଣରୁ ଖାଲି ହାତରେ ଫେରିଛନ୍ତି ବନ ବିଭାଗର କର୍ମଚାରୀ ।
ସୂଚନା ମୁତାବକ ବାସୁଦେବପୁର ତହସିଲ ଅଧିନ ବଢେଇପଦାସ୍ଥିତ ଗୋଚର ଜମିରେ ଥିବା ଆକାଶିଆ ଗଛକୁ କଟାଯାଇ ଟ୍ରାକ୍ଟରେଯାଗେ ନେଉଥିବା ବେଳେ ସ୍ଥାନୀୟ କେତେକ ଯୁବକ ଏହାକୁ ଅଟକାଇ ବନ ବିଭାଗକୁ ଖବର ଦେଇଥିଲେ । ଖବରପାଇ ବନ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି କଟାଯାଇଥିବା ଆକାଶିଆ ଗଛ ଗୋଚର ଜମିରେ ଥିବା କାରଣରୁ ତହସିଲଦାରଙ୍କ ସହ ଯୋଗାଯୋଗ କରିଥିଲେ।
ସ୍ଥାନୀୟ କେତେକ ମହିଳା ବନ ବିଭାଗର କର୍ମଚାରୀଙ୍କୁ ପାଲଟା ପ୍ରଶ୍ନ କରି କାଠଗଣ୍ଡିକୁ ଜବତ କରିବାକୁ ଦେଇନଥିଲେ । ଏସଂପର୍କରେ ତହସିଲଦାର ଜାଣିବା ପରେ କୈାଣସି କାର୍ଯ୍ୟାନୁଷ୍ଠାନ ନେଇନପାରିବା କାରଣରୁ ବନ ବିଭାଗକୁ ଖାଲି ହାତରେ ଫେରିବାକୁ ପଡିଛି ବୋଲି ରେଞ୍ଜର କପିଳେନ୍ଦ୍ର ପ୍ରଧାନ ଜଣାଇଛନ୍ତି । ଏନେଇ ତହସିଲଦାର ସୈାଭାଗ୍ୟରଞ୍ଜନ ପଣ୍ଡା କୁହନ୍ତି, ଗୋଚର ଜମିରୁ ବେଆଇନ ଭାବେ ଗଛକାଟିବାକୁ ନେଇ କାର୍ଯ୍ୟାନୁଷ୍ଠାନ ନିଆଯିବା ପାଇଁ ବନ ବିଭାଗ ସହ ଯୋଗାଯୋଗ କରାଯାଉଛି ।
Comments are closed.