ବରଗଡ଼: ବରଗଡ଼ ଜିଲା ସୋହେଲା ମାଷ୍ଟରପଡ଼ାରେ ରବିବାର ଏକ ଅଭାବନୀୟ ଘଟଣା ଘଟିଛି। ଗୋଟିଏ ପରିବାରର ତିନିଜଣ ସଦସ୍ୟ ସାମୂହିକ ବିଷପାନ କରି ଆତ୍ମହତ୍ୟା ଉଦ୍ୟମ କରିଛନ୍ତି। ମାଆ, ଝିଅ ଓ ପୁଅ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିବା ବେଳେ ଝିଅ ଓ ପୁଅଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ଏଥିସହ ମାଆଙ୍କ ଅବସ୍ଥା ସଙ୍କଟାପନ୍ନ ରହିଛି।
ଗତ ଏକ ସପ୍ତାହ ପୂର୍ବରୁ ପରିବାରର ମୁଖିଆଙ୍କୁ ହରାଇବା ପରେ ଆଜି ପୁଅ, ଝିଅ ସହିତ ମାଆ ବିଷ ପାନ କରି ଆତ୍ମହତ୍ୟା ଉଦ୍ୟମ କରିଛନ୍ତି। ଗୁରୁତର ଅବସ୍ଥାରେ ମାଆ କୁମ୍ବ ସାହୁ(୫୫), ଝିଅ ସୁବର୍ଣ୍ଣ ସାହୁ(୨୨) ଓ ପୁଅ ବଂଶୀଧର ସାହୁ(୨୭)ଙ୍କୁ ବରଗଡ଼ ଜିଲା ମୁଖ୍ୟ ଚିକିତ୍ସାଳୟରୁ ବିଭାଗୀୟ ଡାକ୍ତର ଭୀମସାର ବୁର୍ଲାକୁ ସ୍ଥାନାନ୍ତର କରିଥିବା ବେଳେ ସେଠାରେ ଚିକିତ୍ସିତ ଅବସ୍ଥାରେ ବଂଶୀଧରଙ୍କ ମୃତ୍ୟ ଘଟିଛି। ଝିଅ ସୁବର୍ଣ୍ଣଙ୍କୁ ବୁର୍ଲା ନେବା ବେଳେ ରାସ୍ତାରେ ତାଙ୍କର ମଧ୍ୟ ମୃତ୍ୟୁ ଘଟିଥିବା ଜଣାପଡ଼ିଛି। ଅପରପକ୍ଷେ, ମାଆ କୁମ୍ବ ଜୀବନ ସହ ସଂଗ୍ରାମ କରୁଛନ୍ତି।
