ବାଙ୍କୀ: ଶୁକ୍ରବାର ଦିନ ଡମପଡା କୃଷି ସୂଚନା କାର୍ଯ୍ୟାଳୟ ପରିସରରୁ ଏକ ପ୍ରଧାନମନ୍ତ୍ରୀ ଫସଲ ବୀମା ଯୋଜନା ସମ୍ପର୍କିତ କୃଷି ସଚେତନତା ରଥର ଶୁଭାରମ୍ଭ କରାଯାଇଛି । ସହକାରୀ କୃଷି ଅଧିକାରୀ ବି.ପି ରୋଜାଲିନ୍ ଏହି ରଥକୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି । ସୂଚନା ଅନୁଯାଇ ପ୍ରଧାନମନ୍ତ୍ରୀ ଫସଲ ବୀମା ସମ୍ପର୍କରେ ଏହି ରଥ ଡମପଡା ବ୍ଲକର ସମସ୍ତ ୧୭ ଗୋଟି ପଞ୍ଚାୟତର ବିଭିନ୍ନ ଗ୍ରାମକୁ ଯାଇ କୃଷକ ମାନଙ୍କୁ ସଚେତନ କରାଇବ । ରଥର ଶୁଭାରମ୍ଭ ସମୟରେ କୃଷି ଅଧିଦର୍ଶକ ବସନ୍ତ ମହାରଣା, ଗ୍ରାମ୍ୟ କୃଷି କର୍ମଚାରୀ ବିକାଶ କୁମାର ମଲ୍ଲିକ, ଦିପକ କୁମାର ନାୟକ, ରଶ୍ମିତା ଭୋଇ, ପ୍ରଶାନ୍ତ କୁମାର ପିରୋଇ, ସହକାରୀ ବୈଷୟିକ ପରିଚାଳକ ଆମ୍ଜା ରଂଜନ ଦାସ, ସୁଶାନ୍ତ କୁମାର ସ୍ୱାଇଁ, ବିଷ୍ଣୁପ୍ରିୟା ମିଶ୍ର ପ୍ରମୁଖ ଉପସ୍ଥିତ ଥିଲେ । ଡମପଡା ବ୍ଲକ ସଞ୍ଜୋଜକ ପ୍ରଦୀପ କୁମାର ସେଠୀଙ୍କ ସଂଯୋଜନାରେ ପ୍ରଧାନମନ୍ତ୍ରୀ ଫସଲ ବୀମା ଯୋଜନା କୃଷି ସଚେତନତା ପ୍ରଚାର ରଥ ବୁଲିବା ଆରମ୍ଭ କରିଛି ।
Comments are closed.