ବାଙ୍କୀ: ବରପୁଟ ପଞ୍ଚାୟତର ନିର୍ବାଚିତ ସରପଞ୍ଚ ପଣ୍ଡିତ ଅଶୋକ କୁମାର ମିଶ୍ରଙ୍କୁ ଶୁକ୍ରବାର ଅପରାହ୍ନରେ ସ୍ୱତନ୍ତ୍ର ଭାବରେ ଅଭିଶେକ କରାଯାଇ ସରପଞ୍ଚ ଆସନରେ ବସାଯାଇଛି। ବାଙ୍କୀ ବିଧାୟକ ଦେବୀରଞ୍ଜନ ତ୍ରିପାଠୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଯୋଗଦେଇ ନୂତନ ସରପଞ୍ଚଙ୍କୁ ସ୍ୱାଗତ ଜଣାଇଛନ୍ତି। ବହୁ ସମର୍ଥକଙ୍କ ସହିତ ଗଜପତି ମହାରାଜ ପୁରୀଙ୍କ ରାଜ ପୁରୋହିତ ପଣ୍ଡିତ ବାସୁଦେବ ମହାପାତ୍ର, ଯଜ୍ଞ ବାରିଧି ପଣ୍ଡିତ ଚିନ୍ତାମଣି ଦାଶ, ପଣ୍ଡିତ ସତ୍ୟନାରାୟଣ ତ୍ରିପାଠୀ ପ୍ରମୁଖ ପୂଜାର୍ଚ୍ଚନା କରି ନୂତନ ସରପଞ୍ଚଙ୍କୁ ଅଭିଶେକ କରାଇ ସତ୍ୟ, ନ୍ୟାୟ ଓ ଆଦର୍ଶ ଜନସେବା ପାଇଁ ଆହ୍ୱାନ ଜଣାଇଛନ୍ତି। ନିର୍ବାଚିତ ସରପଞ୍ଚଙ୍କ ଦାୟିତ୍ୱ ଗ୍ରହଣ ନିର୍ବାହୀ ଅଧିକାରୀଙ୍କ ଦ୍ୱାରା ସମାପନ ହେଲାପରେ ଏହି ଅଭିଶେକ କାର୍ଯ୍ୟ ସଞ୍ଚାଳିତ ହୋଇଛି।
Comments are closed.