ବାଙ୍କୀ : ଭାରତ ସରକାରଙ୍କ ଦକ୍ଷତା ବିକାଶ ଓ ଉଦ୍ୟୋଗ ମନ୍ତ୍ରଣାଳୟ ପକ୍ଷରୁ କଟକ ଜିଲ୍ଲା ବାଙ୍କୀ ବରେନ୍ଦ୍ରକୃଷ୍ଣ ବିଦ୍ୟାପୀଠରେ ଚଳିତ ବର୍ଷ ଦକ୍ଷତା ବିକାଶ ପ୍ରଶିକ୍ଷଣ କେନ୍ଦ୍ର ଆରମ୍ଭ ହୋଇଛି। ସୂଚନା ଅନୁଯାୟୀ ଅଧାରୁ ପାଠଛାଡି ବେକାରୀ ତଥା ବେରୋଜଗାର ହୋଇଥିବା ଛାତ୍ର ଛାତ୍ରୀ ମାନଙ୍କୁ ରୋଜଗାର କରିବାର ମାର୍ଗ ଦର୍ଶନ ପାଇଁ ଦକ୍ଷତା ବିକାଶ କେନ୍ଦ୍ରରେ ଜ୍ଞାନ କୌଶଳ ପ୍ରଦାନ ପାଇଁ ବ୍ୟବସ୍ଥା ଗ୍ରହଣ କରାଯାଇଛି। ୧୫ବର୍ଷରୁ ୨୯ବର୍ଷ ମଧ୍ୟରେ ଛାତ୍ର ଛାତ୍ରୀ ମାନେ ଏହି ପ୍ରଶିକ୍ଷଣର ସୁବିଧା ନେଉଥିବା ଜଣାପଡିଛି। ଏହି ଅବସରରେ କାର୍ଯ୍ୟକ୍ରମ ସଞ୍ଜୋଜକ ଅଶୋକ କୁମାର ନାୟକଙ୍କ ସଞ୍ଜୋଜନାରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବରିଷ୍ଠ ଶିକ୍ଷକ ଗୋବିନ୍ଦ ଚନ୍ଦ୍ର ତ୍ରିପାଠୀ,ଅବସର ଗ୍ରହଣ କରିଥିବା ଶିକ୍ଷକ ପଣ୍ଡିତ ନଗେନ ମହାପାତ୍ର,ପ୍ରସିକ୍ଷିକା ସନ୍ଧ୍ୟାରାଣୀ ପଢୀ ଏବଂ ବିଷ୍ଣୁପ୍ରିୟା ସ୍ୱାଇଁ ପ୍ରମୁଖ ଉପସ୍ଥିତ ଥିଲେ। ୩ମାସରୁ ୬ମାସ ମଧ୍ୟରେ ଏହି ପ୍ରସିକ୍ଷଣ ଶେଷ ହେବ ବୋଲି ସୂଚନା ମିଳିଛି। ବରେନ୍ଦ୍ରକୃଷ୍ଣ ବିଦ୍ୟାପୀଠ କେନ୍ଦ୍ରରେ ଯଥାକ୍ରମେ ୩ମାସ ପର୍ଯ୍ୟନ୍ତ କମ୍ପ୍ୟୁଟର ଏବଂ ରିଟେଲର(ଛୋଟ ଛୋଟ ବ୍ୟବସାୟ କୌଶଳ ଓ ବଜାର ବିକ୍ରୀ) ସମ୍ପର୍କରେ ପ୍ରଶିକ୍ଷଣ ମାଗଣାରେ ପ୍ରଦାନ କରାଯିବ।
Popular Categories
Previous article
Next article