ଭୁବନେଶ୍ୱର : ବ୍ୟାଙ୍କ ଅଫ୍ ବରୋଦାର ଭୁବନେଶ୍ୱର ରିଜିଅନ ପକ୍ଷରୁ ଗତ ୧୮ ତାରିଖ ଦିନ ଆନ୍ତର୍ଜାତିକ ମହିଳା ଦିବସ ମହାଆଡମ୍ବର ସହକାରେ ପାଳିତ ହୋଇଯାଇଛି। ବ୍ୟାଙ୍କର ଆଞ୍ଚଳିକ କାର୍ଯ୍ୟାଳୟ ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ଆଞ୍ଚଳିକ କାର୍ଯ୍ୟାଳୟର କର୍ମକର୍ତ୍ତାଙ୍କ ସହ ଭୁବନେଶ୍ୱର ମହାନଗରର ସମସ୍ତ ମହିଳା କର୍ମଚାରୀ ଏଥିରେ ଯୋଗ ଦେଇଥିଲେ ।
ରାଜ୍ୟ ସରକାରଙ୍କ ଅର୍ଥ ବିଭାଗର ଇନଷ୍ଟିଟ୍ୟୁସନାଲ ଫାଇନାନ୍ସ ନିର୍ଦ୍ଦେଶକ ଆଇଇଏସ୍ ଡ. ପ୍ରଜ୍ଞାସ୍ମିତା ସାହୁ ଏବଂ ସାମାଜିକ କର୍ମୀ ତଥା ଉଦ୍ୟୋଗୀ ମନସ୍ମିତା ଜେନାଙ୍କ ଉପସ୍ଥିତିରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଡ. ସାହୁ କହିଥିଲେ ଯେ, ଡିଜିଟାଲ ଦୁନିଆରେ ମହିଳାମାନଙ୍କର ଉଲ୍ଲେଖନୀୟ ଅବଦାନ ରହିଛି, ଯେଉଁଠାରେ କି ଆମେ ଅଧିକରୁ ଅଧିକ ଏହାକୁ ଉପଭୋଗ କରୁଛୁ । ସେ କହିଛନ୍ତି ଯେ, ମହିଳା, ବାଳିକା ତଥା ଅନ୍ୟାନ୍ୟ ମଧ୍ୟବିତ୍ତ ଗୋଷ୍ଠୀର ବିଶ୍ୱ ସଶକ୍ତିକରଣ ପାଇଁ ଡିଜିଟାଲ ଟେକ୍ନୋଲୋଜି ନୂଆ ଦ୍ୱାର ଖୋଲିଛି ।
ମହିଳା ଉଦ୍ୟୋଗୀ ମନସ୍ମିତା ଜେନା ମହିଳା କର୍ମଚାରୀଙ୍କ ଉଦ୍ୟମ ଓ ଅବଦାନକୁ ପ୍ରଶଂସା କରିଛନ୍ତି ଏବଂ ମହିଳାଙ୍କ ଅଧିକାରକୁ ନେଇ ଦର୍ଶକଙ୍କୁ ମଧ୍ୟ ବେଶ୍ ସମ୍ବେଦନଶୀଳ କରିଛନ୍ତି । ଆମ ଦେଶର ଅର୍ଥନୀତିରେ ମହିଳାଙ୍କ ଅବଦାନ ବିଷୟରେ ନେଟ୍ଓ୍ୱାର୍କ ଡିଜିଏମ୍-୧ ପାଟନା ଜୋନ୍ର ଡ. ରମେଶ କୁମାର ମହାନ୍ତି ଏବଂ ଭୁବନେଶ୍ୱର ଆଞ୍ଚଳିକ ମୁଖ୍ୟ ରାଜୀବ କ୍ରିଷ୍ଣନ ସେମାନଙ୍କର ମତାମତ ଉଲ୍ଲେଖ କରିଥିଲେ । ସମାଜ ତଥା ଓଡ଼ିଶା ରାଜ୍ୟର ବିକାଶରେ ସେମାନଙ୍କର ନିରନ୍ତର ଉଦ୍ୟମ ଏବଂ ଅବଦାନ ପାଇଁ ଅତିଥିମାନଙ୍କୁ ସମ୍ମାନିତ କରାଯାଇଥିଲା । ବ୍ୟାଙ୍କ ଅଫ୍ ବରୋଦା ଏହାର ମହିଳା କୈନ୍ଦ୍ରିକ ତଥା ସାମାଜିକ ବିକାଶ ନୀତିପାଇଁ ଅନ୍ତର୍ଭୁକ୍ତ ଓ ଲିଙ୍ଗଗତ ସମାନତାର ଆନ୍ଦୋଳନକୁ ଉଭୟ ଅତିଥି ସଦସ୍ୟଙ୍କ ଦ୍ୱାରା ପ୍ରଶଂସା କରାଯାଇଥିଲା । ଆଞ୍ଚଳିକ ଉ ପମୁଖ୍ୟ ଶ୍ରୀମତୀ ଜ୍ୟୋର୍ତିମୟୀ ଜେନା ଧନ୍ୟବାଦ ଅର୍ପଣ କରିଥିଲେ ।
