୪ ଦିନ ବନ୍ଦ ରହିବ ବ୍ୟାଙ୍କ
ଭୁବନେଶ୍ୱର : ଚଳିତମାସ ୩୧ରୁ ଆରମ୍ଭ ହେଉଛି ବ୍ୟାଙ୍କ ଧର୍ମଘଟ। ବିଶେଷ କରି ବେତନ ସଂଶୋଧନ ଦାବି ନେଇ ବ୍ୟାଙ୍କ କର୍ମଚାରୀ ଏବଂ ଅଧିକାରୀମାନେ ୟୁନାଇଟେଡ୍ ଫୋରମ୍ ଅଫ୍ ବ୍ୟାଙ୍କ ୟୁନିଅନ୍ସ (ୟୁଏଫ୍ବିୟୁ) ଡାକରାରେ ଏହି ଧର୍ମଘଟରେ ସାମିଲ ହେେବ। ତେବେ ଖାଲି ବ୍ୟାଙ୍କ ଧର୍ମଘଟ କାହିଁକି ଚଳିତ ସପ୍ତାହରେ ବିଭିନ୍ନ କାରଣ ପାଇଁ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ୪ ଦିନ ବନ୍ଦ ରହିବ। ଆସନ୍ତା ଗୁରୁବାର ଅର୍ଥାତ୍ ଚଳିତମାସର ୩୦ରେ ସରସ୍ବତୀ ପୂଜା ପାଇଁ ବ୍ୟାଙ୍କ ଛୁଟି ରହିବ। ତେବେ ଚଳିତମାସ ୩୧ ଶୁକ୍ରବାର ଏବଂ ଫେବୃଆରୀ ପହିଲା ଶନିବାର ଧର୍ମଘଟ ପାଇଁ ବ୍ୟାଙ୍କ ଦୁଇ ଦିନ ଧରି ବନ୍ଦ ହେବ। ଏହାପରେ ଫେବୃଆରୀ ଦୁଇ ତାରିଖରେ ରବିବାର ପଡୁଥିବା ଦୃଷ୍ଟିରୁ ବ୍ୟାଙ୍କ ସାଧାରଣ ଭାବେ ଏହି ଦିନ ବନ୍ଦ ରହିବ। ଏସବୁକୁ ମିଶାଇଲେ ଚଳିତ ସପ୍ତାହରେ ବ୍ୟାଙ୍କ କାରବାର ଗୁରୁବାରଠାରୁ ରବିବାର ଯାଏ କ୍ରମାଗତ ଭାବେ ୪ ଦିନ ଧରି ବନ୍ଦ ରହିବ। ତେଣୁ ଆସନ୍ତାକାଲି ଅର୍ଥାତ୍ କେବଳ ବୁଧବାର ହିଁ ଚଳିତ ସପ୍ତାହ ପାଇଁ ଶେଷ ବ୍ୟାଙ୍କ କାରବାର ଦିବସ ରହିପାରେ।
Comments are closed.