ଭୁବନେଶ୍ବର: ଭୁବନେଶ୍ବରରୁ ଜଣେ ଯୁବକଙ୍କୁ ଉଠାଇନେଲା ଦିଲ୍ଲୀ ପୁଲିସ। ଲକ୍ଷ୍ମୀସାଗର ଅଞ୍ଚଳର ଏକ ଫ୍ଲାଟ୍ରୁ ବିଳମ୍ବିତ ରାତି ଏଭଳି କିଛି ଘଟଣା ଘଟିଛି। ଏକ ସାଇବର କ୍ରାଇମ୍ ମାମଲାରେ ପୁଲିସ୍ ଯୁବକ ଜଣଙ୍କୁ ଉଠାଇନେଇଥିବା ସୂଚନା ମିଳିଛି। ଦିଲ୍ଲୀ ପୁଲିସ୍ ସହ ଲକ୍ଷ୍ମୀସାଗର ଥାନା ପୁଲିସ୍ ମଧ୍ୟ ଘଟଣାରେ ତଦନ୍ତ ଜାରି ରଖିଛି। ଯୁବକ ଜଣକ ପ୍ରଭାତ ମହାପାତ୍ର ବୋଲି ଜଣାପଡିଛି। ସାଇବର ହ୍ୟାକିଂ ଅଭିଯୋଗ ପରେ ଦିଲ୍ଲୀ ପୁଲିସର ସାଇବର ୱିଙ୍ଗ ତଦନ୍ତ ପାଇଁ ଭୁବନେଶ୍ବରରେ ଆସି ପହଞ୍ଚିଥିଲେ। ଆଇପି ଆଡ୍ରେସକୁ ଟ୍ରାକ୍ କରି ସେମାନେ ଦିଲ୍ଲୀରୁ ଆସି ଭୁବନେଶ୍ବରରେ ପହଞ୍ଚିଥିଲେ। ତେବେ କେଉଁ ମାମଲାରେ ବା ପ୍ରସଙ୍ଗରେ ହ୍ୟାକିଂ ଅଭିଯୋଗ ହୋଇଥିଲା, ତାହା ବର୍ତ୍ତମାନ ପର୍ଯ୍ୟନ୍ତ ଜଣାପଡିନାହିଁ।
Comments are closed.