ନୀଳଗିରି : ବାଲେଶ୍ୱର ଜିଲା ନୀଳଗିରିର ବାଉଁଶବଣିଆରେ ଗୁରୁବାର ବିଳମ୍ବିତ ରାତିରେ ଚୋରା କାଠ ଚାଲାଣ ବେଳେ ପିକଅପ ଭ୍ୟାନ ଜବତ ହୋଇଛି। ସୂଚନା ଅନୁଯାୟୀ, ବାଉଁଶବଣିଆ ପଟ ଦେଇ ଜୟପୁର ରାସ୍ତାରେ ଦ୍ରୁତ ଗତିରେ ଯାଉଥିବା ବେଳେ ପିକଅପ ଭ୍ୟାନଟି ଜଣେ ବାଇକ ଆରୋହୀଙ୍କୁ ଧକ୍କା ଦେବା ଅନ୍ୟ ୪ ଜଣ ଅଳ୍ପକେ ଦୁର୍ଘଟଣାରୁ ବର୍ତ୍ତି ଯାଇଥିଲେ। ଏହାପରେ ସ୍ଥାନୀୟ ଲୋକେ ଭ୍ୟାନଟିର ପିଛା କରି ଅଳସୁଁଆ ଗ୍ରାମ ନିକଟସ୍ଥ ବରପୋଖରୀ ଠାରେ ଗାଡ଼ିଟିକୁ ଅଟକାଇଥିଲେ। ଏହାସହ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହେବା ସହ ସେଥିରେ ଚୋରା କାଠ ଚାଲାଣ ହେଉଥିବା ଜଣାପଡ଼ିଥିଲା। ଘଟଣାସ୍ଥଳରୁ ପିକଅପ ଭ୍ୟାନ ଚାଳକ ଫେରାର ହୋଇଯାଇଥିବା ଜଣାପଡ଼ିଛି। ଖବର ପାଇ ଘଟଣାସ୍ଥଳରେ ନୀଳଗିରି ବନବିଭାଗ ଓ ଖନ୍ତାପଡ଼ା ପୁଲିସ ଘଟଣାସ୍ଥଳରେ ପହଞ୍ଚିଥିଲେ। ଏହାପରେ ଉତ୍ତ୍ୟକ୍ତ ଲୋକେ ଆହତ ବାଇକ ଆରୋହୀଙ୍କୁ କ୍ଷତିପୂରଣ ଦାବିରେ ପିକଅପ ଭ୍ୟାନଟିକୁ ନିଜ ଅଧିନରେ ରଖିଥିଲେ। ପୁଲିସ କ୍ଷତିପୂରଣ ଦେବାକୁ ପ୍ରତିଶ୍ରୁତି ଦେବାପରେ ସ୍ଥାନୀୟ ଲୋକେ ଚୋରା କାଠ ବୋଝେଇ ପିକଅପ ଭ୍ୟାନଟିକୁ ଛାଡ଼ିଥିଲେ।
Popular Categories
Previous article
Next article