ବଲାଙ୍ଗୀର: ବଲାଙ୍ଗୀରରେ ସହରରେ ପ୍ରଥମେ ବର୍ଷାର ପ୍ରଭାବରେ ବନ୍ୟା ହୋଇଥିଲା ଓ ପାଣି ଘେରରେ ରହି ବହୁ ଅସୁବିଧାରେ ସମ୍ମୁଖୀନ ହୋଇଥିଲେ । ଏବେ ବଲାଙ୍ଗିର-ଟିଟିଲାଗଡ ରାସ୍ତାରେ ଥିବା ମଠଖାଇ ପାହାଡର ଏକ ଅଂଶ ଧସକି ଗଲା ପରେ ସ୍ଥାନୀୟ ଲୋକଙ୍କ ମଧ୍ୟରେ ଭୟ ସଞ୍ଚାର ହୋଇଛି। ପାହାଡ ତଳି ଅଞ୍ଚଳରେ ବିଶେଷ କରି ଆଦିବାସୀ ଲୋକେ ବାସବାସ କରୁଥିବା ବେଳେ ସେମାନଙ୍କ ଜୀବନ ଜୀବିକା ଏଇଠି ରହିଛି। ଏହି ଜଙ୍ଗଲରୁ ବନଜାତ ଦବ୍ୟ ସଂଗ୍ରହ କରନ୍ତି। ସ୍ଥାନୀୟ ବାସିନ୍ଦାଙ୍କ କହିବା ଅନୁସାରେ, ଗତ ଅଗଷ୍ଟ ମାସ ୧୩ ତାରିଖ ବର୍ଷାରେ ମଧ୍ୟ ସେଭଳି କିଛି ହୋଇନଥିଲା। କିନ୍ତୁ ସେହି ମାସ ୧୯ ତାରିଖରେ ଏହା କିଛି ଅଂଶ ଧସକୁ ଥିବା ଦେଖାଯାଇଥିଲା। ତେବେ ଗଲା ୨ ଦିନ ହେଲା ପାହାଡର ବଡ ବଡ ଅଂଶ ଧସକି ଯାଉଥିବାର ଦେଖାଦେଇଛି। କେବଳ ମଠଖାଇ ନୁହେଁ, ଗୁଜକି ଓ ଚାନ୍ଦଲି ପାହାଡ ଉପରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଛି। ବିଜାଖମନ ବ୍ରିଜ ଉପରୁ ଛିଡା ହୋଇ ପାହାଡ ଆଡକୁ ଦେଖିଲେ ଏହା ସ୍ପଷ୍ଟ ଭାବେ ଦେଖାଯାଉଛି। ଏହି ଠାରୁ ଆଗକୁ ପ୍ରାୟ ୫ କିମି ଗଲେ ମଠଖାଇ ମୁଖ୍ୟ ପାହାଡରେ ମଧ୍ୟ ଏହି ଭଳି ପଥର ଓ ମାଟି ଧସକି ଥିବାର ଦେଖାଦେଇଛି। ଯାହା ଫଳରେ ସ୍ଥାନୀୟ ଲୋକେ ଭୟରେ ଆଉ ପାହାଡ ଅଞ୍ଚଳକୁ ଯାଉନଥିବା ବେଳେ ଗଲା ୨ ସପ୍ତାହ ହେଲା ବନଜାତ ଦବ୍ୟ ସଂଗ୍ରହ ବନ୍ଦ ହୋଇଛି। ବର୍ଷା କେତେବେଳେ କେଉଁ ସମୟରେ ହେଉଛି ତାର ସଠିକ ତଥ୍ୟ ରହୁନଥିବା ବେଳେ ପ୍ରବଳ ବର୍ଷା ଲୋକଙ୍କ ପାଇଁ ଦାଉ ସାଧୁଛି।
Popular Categories
Previous article
Next article