ଭୁବନେଶ୍ୱର- ଓଡ଼ିଶା ଦକ୍ଷତା ବିକାଶ ପ୍ରାଧିକରଣର ଅଧ୍ୟକ୍ଷ ସୁବ୍ରତ ବାଗଚୀ ଓ ତାଙ୍କ ପତ୍ନୀ ତଥା ମୋ ସ୍କୁଲ ସଂଗଠନର ଅଧ୍ୟକ୍ଷା ସୁସ୍ମିତା ବାଗଚୀ ବେଙ୍ଗାଲୁରୁରେ ଏକ ହସ୍ପିଟାଲ୍ ନିର୍ମାଣ ପାଇଁ ୪୨୫ କୋଟି ଟଙ୍କା ଦାନ କରିଛନ୍ତି । ଭାରତୀୟ ବିଜ୍ଞାନ ସଂସ୍ଥାନରେ ୮୦୦ ଶଯ୍ୟା ବିଶିଷ୍ଟ ଡାକ୍ତରଖାନା ପ୍ରତିଷ୍ଠା ପାଇଁ ବାଗଚୀ ଦମ୍ପତି ଏବଂ ରାଧା ଓ ଏନ.ପାର୍ଥସାରଥୀ ୪୨୫ କୋଟି ଟଙ୍କା ଦାନ କରିଛନ୍ତି । ବାଗଚୀଙ୍କ ସହ ଏନ୍ ପାର୍ଥ ସାରଥୀ ମାଇଟ୍ରିର ଅନ୍ୟତମ ପ୍ରତିଷ୍ଠାତା ସହଯୋଗୀ ଥିଲେ ।
ଭାରତୀୟ ବିଜ୍ଞାନ ସଂସ୍ଥାନରେ ଏହି ଡାକ୍ତରଖାନା ପ୍ରତିଷ୍ଠାକୁ ନେଇ ବାଗଚୀ ଦମ୍ପତି ଖୁସୀ ପ୍ରକାଶ କରିଛନ୍ତି । ପୂର୍ବରୁ ଓଡ଼ିଶାରେ କ୍ୟାନସର ହସପିଟାଲ ଓ ପାଲିଏଟିଭ କେୟାର କେନ୍ଦ୍ର ସ୍ଥାପନ ପାଇଁ ସେମାନେ ୩୪୦ କୋଟି ଟଙ୍କା ଦାନ କରିଛନ୍ତି । ମାନବ ସମାଜର ସେବା ପାଇଁ ଆଗେଇ ଆସିବାରେ ସେମାନେ ବେଶ୍ ଖୁସୀ ଅନୁଭବ କରୁଥିବା କଥା ପ୍ରକାଶ କରିଛନ୍ତି ।
Odisha gave us life, Karnataka gave us identity. Delighted to share, along with friends Radha & @nspartha Subroto & I will gift to @iiscbangalore fund for construction of a 800 bed Bagchi-Parthasarathy Hospital in IISc to bring engineering, science & medicine under one roof pic.twitter.com/XIV05nuOKB
— Susmita Bagchi (@Susmita4Odisha) February 14, 2022
