ବଡ଼ସାହି : ମୟୁରଭଞ୍ଜ ଜିଲା ବଡସାହି ଠାରେ ଜିଲା ପ୍ରାଣୀଚିକିତ୍ସା ଓ ପ୍ରାଣୀପାଳନ ବିଭାଗ ଆନୁକୂଲ୍ୟରେ ଗୋ-ପାଳନ ଦକ୍ଷତା ବୃଦ୍ଧି ପ୍ରଶିକ୍ଷଣ ଶିବିର ଗୁରୁବାର ଅନୁଷ୍ଠିତ ହୋଇଯାଇଛି। ବଡ଼ସାହି ପ୍ରାଣୀ ଚିକତ୍ସାଳୟ କେନ୍ଦ୍ରରେ ଆୟୋଜିତ ଏହି ଶିବିରକୁ ମୁଖ୍ୟଅତିଥି ଭାବେ ବ୍ଲକ ଅଧ୍ୟକ୍ଷା ଲକ୍ଷ୍ମୀ ସିଂ ଯୋଗଦେଇ ଉଦ୍ଘାଟନ କରିଛନ୍ତି। ୨୦ଜଣ ଚାଷୀଙ୍କୁ ଗୋ-ପାଳନ ସମ୍ପର୍କରେ ପ୍ରଶିକ୍ଷଣ ଦିଆଯିବା ସହ ବିଭିନ୍ନ ଗୋ-ପାଳନ ଫାର୍ମକୁ ପରିଦର୍ଶନରେ ଯାଇ ଚାଷୀଙ୍କୁ ତାଲିମ ଦିଆଯିବ। ଡାକ୍ତର ଅରବିନ୍ଦ ଜେନା ଶିବିରର ଲକ୍ଷ୍ୟ ଓ ଆଭିମୁଖ୍ୟ ସମ୍ପର୍କରେ ବିସ୍ତୃତ ଆଲୋଚନା କରିଥିଲେ। କାର୍ଯ୍ୟକ୍ରମକୁ ଡାକ୍ତର ରାଧାଗୋବିନ୍ଦ ପୁହାଣ ପରିଚାଳନା କରିଥିବା ବେଳେ ଡାକ୍ତର ଶୁଭ୍ରକାନ୍ତ ରଥ ତାଲିମ ପ୍ରଦାନ କରିଥିଲେ। ପ୍ରାଣୀ ଚିକିତ୍ସା କେନ୍ଦ୍ରର ସମସ୍ତ କର୍ମଚାରୀ ଏଥିରେ ସହଯୋଗ କରିଥିଲେ। ଉଦଘାଟନୀ ଦିବସକୁ ମିଶାଇ ଶିବିରଟି ୫ଦିନ ଧରି ଚାଲିବ ବୋଲି ଜଣାପଡ଼ିଛି।
