ନୂଆଦିଲ୍ଲୀ : କାର୍ ହେଉ ବା ଅଟୋ ପଛୁଆ ଚଳାଇବା ଅତି କାଠିକର ପାଠ ହୋଇଥାଏ । ଗାଡିରେ ବ୍ୟାକ୍ ଗିୟର ପକାଇ ପଛୁଆ ପଛୁଆ ନେବାକୁ ହେଇଥାଏ । ଏହି ସମୟରେ ପଛକୁ ଦେଖିବାକୁ ମଧ୍ୟ ପଡିଥାଏ । କିନ୍ତୁ ଏବେ ସାମାଜିକ ଗଣମାଧ୍ୟମରେ ଏମିତି ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଜଣେ ଅଟୋ ଚାଳକ ଆଖି ପିଛୁଳାକେ ଅଟୋକୁ ପଛୁଆ ଚଳାଇ ନେଇଯାଉଛନ୍ତି । ଏହି ଭିଡିଓ ସମସ୍ତଙ୍କୁ ଚକିତ କରୁଛି ।
View this post on Instagram
ରେସିଂ କ୍ଲବ ସାଙ୍ଗଲି ନାମକ ଏକ ଇନଷ୍ଟାଗ୍ରାମ ଆକାଉଣ୍ଟରୁ ଏହି ଭିଡିଓ ସେୟାର କରାଯାଇଛି । ଭିଡିଓରେ ବାଇକ୍ ରେସ୍ ଦେଖିବାକୁ ମିଳୁଛି । ୨-୩ଟି ବାଇକ୍ ପ୍ରଥମେ ବହୁତ ସ୍ପିଡରେ ଯାଉଛନ୍ତି । ଏହା ପରେ ଏକ ଅଟୋ ବହୁତ ସ୍ପିଡରେ ପଛୁଆ ଆସୁଛି ଏବଂ ଦ୍ରୁତ ଗତିରେ ଗତି କରୁଛି । ଭଲ ଭାବେ ଦେଖିବା ପରେ ଚାଳକ ଜଣକ ପଛକୁ ଚାହିଁ ଅଟୋ ଚଳାଉଥିବା ଦେଖିବାକୁ ମିଳୁଛି । ଭିଡିଓଟି ଭାଇରାଲ ହେବାରେ ଲାଗିଛି । ସମସ୍ତେ ଅଟୋ ଚାଳକଙ୍କ ଦକ୍ଷତାକୁ ପ୍ରଶଂସା କରୁଛନ୍ତି । କିଛି ଲୋକ ଏହାର ଗତି ଦେଖି ଏହାକୁ ରକେଟ୍ ବୋଲି ପ୍ରତିକ୍ରିୟା ରଖିଛନ୍ତି । ଭିଡିଓରେ ଏପର୍ଯ୍ୟନ୍ତ ୨ ଲକ୍ଷରୁ ଅଧିକ ଲାଇକ୍ ମିଳିସାରିଛି ।
