ନୂଆଦିଲ୍ଲୀ – ଜାନୁଆରୀ ୧ ତାରିଖରୁ ଏଟିଏମ୍ରୁ ଟଙ୍କା ଉଠାଣ ମହାଙ୍ଗ ହେବ । ଏହା ପୂର୍ବରୁ ଆପଣଙ୍କୁ ଦିଆଯାଇଥିବା ମାଗଣା କାରବାର ସୀମା ବା ଫ୍ରି ଟ୍ରାଜାଂକସନ୍ ଲିମିଟ୍ରୁ ଅଧିକ ଯେତେଥର ଟଙ୍କା ଉଠାଉଥିଲେ ୨୦ ଟଙ୍କା ସହ ଜିଏସ୍ଟି ଦିବେ ପାଇଁ ପଡୁଥିଲା । ଏବେ ଏଥିପାଇଁ ୨୧ ଟଙ୍କା ସହ ଜିଏସ୍ଟି ଦେବା ପାଇଁ ପଡିବ ।
ବର୍ତ୍ତମାନ ବ୍ୟାଙ୍କର ଗ୍ରାହକମାନେ ୫ ଥର ନିଜ ବ୍ୟାଙ୍କର ଏଟିଏମ୍ରୁ ଟଙ୍କା ଉଠାଇଲେ କୌଣସି ଶୁଳ୍କ ଦେବା ପାଇଁ ପଡୁ ନଥିଲା । ଏହା ପରେ ପ୍ରତି ଉଠାଣ ପାଇଁ ୨୦ ଟଙ୍କା ସହ ଜିଏସ୍ଟି ଦେବା ପାଇଁ ପଡୁଥିଲା । ଏବେ ୫ ଥର ପରେ ୬ ଥରରୁ ପ୍ରତି ତା ପରବର୍ତ୍ତୀ କାରବାର ପାଇଁ ୨୧ ଟଙ୍କା ସହ ଜିଏସ୍ଟି ଦେବା ପାଇଁ ପଡିବ ତ ।
- Advertisement -
ଦେଶର ୬ଟି ମେଟ୍ରୋ ସହରରେ ଅଲଗା ବ୍ୟାଙ୍କର ଏଟିଏମ୍ରୁ ଟଙ୍କା କାଢିବା (Mumbai, New Delhi, Chennai, Kolkata, Bengaluru and Hyderabad) ମଧ୍ୟ ମହାଙ୍ଗା ହୋଇଛି । ପ୍ରଥମ ତିନୋଟି ଏଟିଏମ୍ରେ ଟଙ୍କା ଉଠାଣ ମାଗଣ ବା ଦେୟମୁକ୍ତ ରହିଛି । ଏହା ପରବର୍ତ୍ତୀ ଟଙ୍କା ଉଠାଣ ପାଇଁ ବର୍ଦ୍ଧିତ ମୂଲ୍ୟ ଦେବା ପାଇଁ ପଡିବ ।
ନନ୍ ମେଟ୍ରୋ ସହରମାନଙ୍କର ଦେୟମୁକ୍ତ ଏଟିଏମ୍ ଟଙ୍କା ଉଠାଣ ସଂଖ୍ୟା ୫ଟି ରହିଛି ।
ଜାନୁଆରୀ ଏକ ତାରିଖରୁ ନୂଆଦର ଲାଗୁ ହେବ । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଏହି ନୂଆ ନିୟମ ପାଇଁ ବ୍ୟାଙ୍କମାନଙ୍କୁ ଅନୁମତି ଦେଇଛନ୍ତି ।
