ଆଠଗଡ: ଆଠଗଡ ଏନଏସି ଅନ୍ତର୍ଗତ ବୀରକିଶୋରପୁର କଙ୍ଗଡାସାହି ନିକଟରେ ଜଣେ ଅଚିହ୍ନା ଯୁବକର ମୃତଦେହ ଉଦ୍ଧାର ହୋଇଥିବା ସୂଚନା ମିଳିଛି। ସ୍ଥାନୀୟ ଲୋକଙ୍କ ଠାରୁ ଖବର ପାଇ ଆଠଗଡ ପୁଲିସ ଘଟଣା ସ୍ଥଳରେ ପହଞ୍ଚି ୧୦୮ ଆମ୍ବୁଲାନ୍ସ ଯୋଗେ ଆଠଗଡ ଉପଖଣ୍ଡ ଚିକିତ୍ସାଳୟକୁ ମୃତଦେହଟିକୁ ପଠାଇଥିଲେ। ମୃତକଙ୍କର ପରିଚୟ ମିଳିନାହିଁ। ଯୁବକର କିପରି ଭାବେ ମୃତ୍ୟୁ ଘଟିଲା ତଥା ଏଠାକୁ କେମିତି ଆସିଲା ତାହା ନେଇ ସନ୍ଦେହ ପ୍ରକାଶ ପାଇଛି। ଏ ବିଷୟରେ ଆଠଗଡ ଥାନା ଆଇଆଇସି ବାମଦେବ ସ୍ବାଇଁଙ୍କୁ ଯୋଗୋଯୋଗ କରିବାରେ ଯୁବକର ପରିଚୟ ମିଳିନଥିବା ଏବଂ ଆଜି ସଂପୃକ୍ତ ଯୁବକ ଜଣକ ଆଖପାଖ ଅଞ୍ଚଳରେ ବୁଲାବୁଲି କରୁଥିବା ସ୍ଥାନୀୟ ବାସିନ୍ଦା ପ୍ରକାଶ କରିଛନ୍ତି ବୋଲି ସେ କହିଥିଲେ । ଅଚିହ୍ନ ବ୍ୟକ୍ତିଙ୍କ ମୃତଦେହକୁ ଚିହ୍ନଟ ପ୍ରକ୍ରିୟା ପାଇଁ ୩ ରୁ ୪ ଦିନ ଡାକ୍ତରଖାନାରେ ରଖାଯିବ ବୋଲି ଆଇଆଇସି ଶ୍ରୀ ସ୍ୱାଇଁ ସୂଚନା ଦେଇଛନ୍ତି।
Comments are closed.