ଆଠଗଡ଼: ଆଠଗଡ଼ର ଶ୍ରୀ ଜଗନ୍ନାଥ ରାମଲୀଳା ନାଟ୍ୟସଂଘ ପକ୍ଷରୁ ଶନିବାର ନନ୍ଦ ଉତ୍ସବ ପାଳିତ ହୋଇଯାଇଛି। କଳାକାରମାନେ ଶ୍ରୀକୃଷ୍ଣ, ଶ୍ରୀ ବଳରାମ, ନନ୍ଦରାଜା, ନନ୍ଦରାଣୀ ଯଶୋଦା, ଗୋପାଳ, ଗୋପାଳୁଣି ବେଶ ହୋଇ ସନ୍ଧ୍ୟାରେ ନୃତ୍ୟସଂଗୀତ ତାଳେତାଳେ ସହର ପରିକ୍ରମା କରିଥିଲେ। ବିଭିନ୍ନ ସାହି ବସ୍ତିରେ ମହିଳାମାନେ ଶ୍ରୀକୃଷ୍ଣ ଓ ଶ୍ରୀବଳରାମଙ୍କୁ ବନ୍ଦାପନା କରି ସ୍ୱାଗତ କରିଥିବା ଦେଖାଯାଇଥିଲା। ରାମଲୀଳା ନାଟ୍ୟସଂଘର ନିର୍ଦ୍ଦେଶକ ଜଗୁଚରଣ ଭକ୍ତା, ବଳରାମ ଜେନା, ହରଶ କୁମାର ଭକ୍ତା, ଶରତ କୁମାର ଜେନା ଓ ରଞ୍ଜନ କୁମାର ଜେନାଙ୍କ ସମେତ ଅନ୍ୟମାନେ ଏହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Comments are closed.