ଗୁରୁଡିଝାଟିଆ: ବ୍ରହ୍ମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ଯକ୍ଷ୍ମାରୋଗୀ ଅନ୍ୱେଷଣ ଅଭିଯାନ ପ୍ରକ୍ରିୟାର ସଫଳ ରୂପାୟନ ପାଇଁ ଏକ ସଚେତନତା ରଥକୁ ସିଏଚସିର ଅଧିକ୍ଷକ ଡାକ୍ତର ଦିଲ୍ଲୀପ ଦାସ ମଙ୍ଗଳବାର ଉଦ୍ଘାଟନ କରିଥିଲେ। ଉକ୍ତ ରଥ ଓରଦା, ରାଧାକୃଷ୍ଣପୁର, ଖଣ୍ଡୁଆଳି, ଦୋରଡ, ଡେରା, ମୁଶୁଳିଆ, ରାଧାକିଶୋରପୁର, କାକ୍ସା, ଗୋବରା, ବେଣ୍ଟପଦା, ରାଜନଗର, କଲରାଗଡ, ମୁକ୍ତାଦେଇପୁର, ମାଟିକୋଟ ଗ୍ରାମଗୁଡିକରେ ପରିଭ୍ରମଣ କରିବା ସମୟରେ ଆଶାକର୍ମୀମାନେ ଘର ଘର ବୁଲି ରୋଗୀ ଚିହ୍ନଟ କରିଥିଲେ। ୨ୟ ଦିନରେ ରୋଗୀମାନଙ୍କୁ ଚିକିତ୍ସା ଶିବିରକୁ ନେଇ କଫ ପରୀକ୍ଷା ବ୍ୟବସ୍ଥା କରାଯାଇଥିବା ଜଣାପଡିଛି। ୨ ସପ୍ତାହରୁ ଅଧିକ କାଶ ହେଉଥିଲେ, ସନ୍ଧ୍ୟାରେ ଦେହ ଉଷୁମ ଲାଗୁଥିଲେ, ଭୋକ ନହେବା, ଓଜନ କମିଯିବା ଭଳି ଲକ୍ଷଣ ଦେଖାଦେବା ସହିତ ଯେଉଁ ବ୍ୟକ୍ତ ମଧୁମେହ ଓ ଏଚଆଇଭି ରୋଗରେ ପୀଡିତ ଥିବେ ସେମାନଙ୍କର ଯକ୍ଷ୍ମା ଅଛି କି ନାହିଁ ସୁନିଶ୍ଚିତ କରିବା ପାଇଁ ପରୀକ୍ଷା କରିବା ଲାଗି ପ୍ରାଥମିକତା ଦିଆଯିବ। ଏହି କାର୍ଯ୍ୟକ୍ରମରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ କବିତାରାଣୀ ଦାସ, ଅଜୟ କୁମାର ରାଉତ, ନିତ୍ୟାନନ୍ଦ ହେମ୍ବ୍ରମଙ୍କ ସମେତ ଅନ୍ୟମାନେ ସହଯୋଗ କରିଥିଲେ।
Popular Categories
Previous article
Next article