ଆଠଗଡ: ଗୋଟିଏ ଦିନରେ ବଡମ୍ବା ଓ ଆଠଗଡ ଅଞ୍ଚଳର ଦୁଇଜଣ ବ୍ୟକ୍ତିଙ୍କ ଘରୁ ୨ଟି ନାଗସାପ ଉଦ୍ଧାର କରାଯାଇଛି । ଆଠଗଡର ଅଭିଜ୍ଞ ସାପଧରାଳି ତଥା ସ୍ନେକ ହେଲ୍ପଲାଇନ ସଦସ୍ୟ ସୁଶାନ୍ତ କୁମାର ପାତ୍ର ଉଦ୍ଧାର କରିଥିବା ଜଣାପଡିଛି । ବଡମ୍ବା କରଡା ଗ୍ରାମର ଜୟନ୍ତ ବେହେରାଙ୍କ ଘରେ ଏକ ୪ଫୁଟ ଲମ୍ବ ନାଗସାପ ବାହାରିବା ଦେଖି ପରିବାର ଲୋକ ଭୟଭୀତ ହୋଇ ବନବିଭାଗକୁ ଖବର ଦେଇଥିଲେ । ତେବେ ବନବିଭାଗରେ କେହି ସାପଧରାଳି ନଥିବାରୁ ସେମାନେ ସୂଚନା ପାଇ ଆଠଗଡର ସୁଶାନ୍ତଙ୍କୁ ଡାକିଥିଲେ ।
ସୁଶାନ୍ତ କରଡା ଗ୍ରାମରେ ପହଞ୍ଚି ତାଙ୍କ ଘରୁ ୪ଫୁଟର ନାଗସାପ ଉଦ୍ଧାର କରି ନିକଟସ୍ଥ ସଂରକ୍ଷିତ ଜଙ୍ଗଳରେ ଛାଡିଦେଇଛନ୍ତି। ସେହିପରି ଆଠଗଡର ଦହିସରା ଗ୍ରାମର ଅନିଲ ଦାସଙ୍କ ଘରେ ମଧ୍ୟ ଏକ ୪ଫୁଟ ଲମ୍ବର ନାଗସାପ ପଶିଥିବା ଖବର ପାଇ ସୁଶାନ୍ତ ତୁରନ୍ତ ସେଠାରେ ପହଞ୍ଚି ନାଗସାପଟିକୁ ଉଦ୍ଧାର କରି ନିକଟବର୍ତ୍ତୀ ସଂରକ୍ଷିତ ଜଙ୍ଗଲରେ ଛାଡିଥିବା ଜଣାପଡିଛି ।
Comments are closed.