ନୂଆଦିଲ୍ଲୀ : ଆସସ୍ ତାର ନୂଆ ସ୍ମାର୍ଟଫୋନ ଆସସ୍ ଜେନଫୋନ ମାକ୍ସ ପ୍ରୋ ଏମ୍-୨ ଭାରତରେ ଲଞ୍ଚ କରିଛି। ଏହି ଫୋନଟି ବର୍ତ୍ତମାନ ଅନଲାଇନ ଷ୍ଟୋର ଫ୍ଲିପକାର୍ଟରେ ଉପଲବ୍ଧ ରହିଛି। ଆସସ୍ ଜେନଫୋନ ମାକ୍ସ ପ୍ରୋ ଏମ୍-୨ର ଟାଇଟେନିୟମ୍ ମଡେଲର ୩ଜିବି ରାମ, ୩୨ ଜିବି ଷ୍ଟୋରେଜର ମୂଲ୍ୟ ୧୨,୯୯୯ଟଙ୍କା, ଏହାର ୪ଜିବି ରାମ ଏବଂ ୬୪ଜିବି ଷ୍ଟୋରେଜର ମୂଲ୍ୟ ୧୪,୯୯୯ଟଙ୍କା ଏବଂ ଏହାର ୬ଜିବି ରାମ ଏବଂ ୬୪ ଜିବି ଷ୍ଟୋରେଜର ମୂଲ୍ୟ ୧୬,୯୯୯ଟଙ୍କା।
ଫୋନରେ ଡୁଆଲ ନେନୋ ସିମ ସପୋର୍ଟ ସହିତ ଆଣ୍ଡ୍ରଏଡ ଓରିୟୋ ୮.୧ ରହିଛି। ଏଥିରେ ୬.୨୬ଇଞ୍ଚର ଫୁଲ ଏଚଡି ପ୍ଲସ ଡିସପ୍ଲେ ରହିଛି। ଯାହାର ରିଜୋଲ୍ୟୁସନ ୧୦୮୦/୨୨୮୦ପିକ୍ସଲ ଏବଂ ଆସପେକ୍ଟ ରେଶିୟୋ ୧୯:୯ ରହିଛି। ଡିସପ୍ଲେ ଉପରେ କନିଙ୍ଗ କରିଲା ଗ୍ଲାସ ୬ର ପ୍ରୋଟେକ୍ସନ ମଧ୍ୟ ଦିଆଯାଇଛି। ଫୋନରେ କ୍ୱାଲାକମର ସ୍ନାପଡ୍ରାଗନ ୬୬୦ପ୍ରୋସେସର ରହିଛି।
ଫୋନର କ୍ୟାମେରା ବିଷୟରେ କହିଲେ ଏଥିରେ ଡୁଆଲ ରିୟର କ୍ୟାମେରା ରହିଛି ଯେଉଁଥିରୁ ଗୋଟିଏ କ୍ୟାମେରା ୧୨ମେଗାପିକ୍ସେଲର ସୋନି ଆଇଏମ୍ଏକ୍ସ ସେନସର ଏବଂ ଏହାର ଅଫର୍ଚର ଏଫ୍/୧.୮ରହିଛି। ସେହିଭଳି ଅନ୍ୟକ୍ୟାମେରାଟି ୫ମେଗାପିକ୍ସେଲର ରହିଛି। ଏଥିରେ ଥିବା ରିୟର କ୍ୟାମେରାରେ ୪କେ ଭିଡିଓ ରେକର୍ଡ କରିପାରିବ। ଫୋନର ଆଗପଟ କ୍ୟାମେରା ୧୩ମେଗାପିକ୍ସେଲର ରହିଛି। ଯାହାର ଅଫର୍ଚର ଏଫ୍/୨.୦। ଉଭୟ କ୍ୟାମେରା ସହିତ ଫ୍ଲାସଲାଇଟର ସୁବିଧା ମଧ୍ୟ ଦିଆଯାଇଛି। ସଂଯୋଗ ପାଇଁ ଫୋନରେ ୪ଜି ଭୋଲଟିଇ, ୱାଇ-ଫାଇ, ବ୍ଲୁଟୁଥ ଭି୫.୦, ଜିପିଏସ୍, ଏଫ୍ଏମ୍ ରେଡିଓ ଏବଂ ୩.୫ଏମ୍ଏମ୍ ର ହେଡଫୋନ ଜ୍ୟାକ୍ ମିଳିବ। ଫୋନରେ ଟିପଚିହ୍ନ ସେନସର ସହିତ ୫୦୦୦ଏମ୍ଏଚର ବ୍ୟାଟେରୀ ଦିଆଯାଇଛି।