ଆସିକା : ଆସିକା ଅତିରିକ୍ତ ତହସିଲଦାରଙ୍କ ପରିବାରକୁ ବାରଣ ଘଟଣା। ଛତ୍ରପୁର ଥାନାରେ ଏହାର ସମାଧାନ ହୋଇଛି। ଛତ୍ରପୁର ଥାନା ଅଧିକାରୀ ଉଭୟ ପକ୍ଷକୁ ଡାକି ସମାଧାନ କରିଛନ୍ତି। ୯ ଜଣଙ୍କ ନାଁରେ ରୁଜ୍ଜୁ ହୋଇଥିବା ମାମଲା ପ୍ରତ୍ୟାହୃତ ହୋଇଛି। ଅତିରିକ୍ତ ତହସିଲଦାରଙ୍କ ବାପାଙ୍କ ଅଭିଯୋଗ ଆଧାରରେ ମାମଲା ହୋଇଥିଲା। ଗତକାଲି ସନ୍ଧ୍ୟାରେ ଦୁଇ ପକ୍ଷ ମଧ୍ୟରେ ଗାଁରେ ଆଲୋଚନା ହେବ।
ମିଳିଥିବା ସୂଚନା ଅନୁଯାୟୀ ଅତିରିକ୍ତ ତହସିଲଦାରଙ୍କୁ ସମାଜିକ ବାସନ୍ଦ ଘଟଣାରେ ୯ ଜଣଙ୍କ ନାଁରେ ମାମଲା ହୋଇଥିଲା । ଆସିକାର ଅତିରିକ୍ତ ତହସିଲଦାର ସୌଦାଗର ବେହେରାଙ୍କୁ କୈବର୍ତ୍ତ କୁଳ ସମାଜରୁ ବାସନ୍ଦ ନେଇ ଛତ୍ରପୁର ଥାନାରେ ମାମଲା ହୋଇଥିଲା । ସୌଦାଗରଙ୍କ ପିତା ବିଜୟ ବେହେରାଙ୍କ ଅଭିଯୋଗ କ୍ରମେ କୈବର୍ତ୍ତ କୁଳ ସମାଜର ୯ ଜଣଙ୍କ ନାମରେ ମାମଲା ରୁଜୁ ହୋଇଥିଲା।
ଅତିରିକ୍ତ ତହସିଲଦାରଙ୍କ ଘର ଛତ୍ରପୁର ଥାନା ଅଧୀନ ମୁନିଷିପେଣ୍ଠରେ ହୋଇଥିବା ବେଳେ ସେ ଗତ ଫେବୃଆରୀ ମାସରେ ଅନ୍ୟ ଜାତିରେ ବିବାହ କରିଥିଲେ । ତାଙ୍କ ପିତା ଏ ସମ୍ପର୍କରେ କୈବର୍ତ୍ତ କୁଳ ସମାଜକୁ ଜଣାଇଥିଲେ । କିନ୍ତୁ କୈବର୍ତ୍ତ କୁଳ ଅତିରିକ୍ତ ତହସିଲଦାରଙ୍କ ପରିବାରକୁ ବାସନ୍ଦ କରାଯାଇଥିବା ଜଣାଇଥିଲେ । ଏପରିକି ଅତିରିକ୍ତ ତହସିଲଦାରଙ୍କ ବାପା ଓ ତାଙ୍କ ପରିବାରକୁ ଅପମାନ କରାଯାଇଥିବା ଅଭିଯୋଗ ହୋଇଥିଲା।
