କଲମ୍ବୋ: ଶ୍ରୀଲଙ୍କା ବିପକ୍ଷରେ ଭାରତ ୨୧୩ରେ ଅଲଆଉଟ ହୋଇଛି। ଓପେନିଂ ଯୋଡ଼ିରେ ୮୦ ରନ ସତ୍ତ୍ବେ ୫୦ ଓଭର ଖେଳିପାରିଲାନି ଭାରତ। ଅଧିନାୟକ ରୋହିତ ୫୩, ଈଶାନ ୩୩, ରାହୁଲଙ୍କ ୩୯ ରନ କରିଥିବାବେଳେ ଶ୍ରୀଲଙ୍କାର ସ୍ପିନର ୱେଲେଗାଙ୍କୁ ୫ ଓ ଅସଲଙ୍କାକୁ ୪ ୱିକେଟ ସଫଳତା ମିଳିଛି।
କଲମ୍ବୋର ଆର.ପ୍ରେମଦାସା ଷ୍ଟାଡିୟମଠାରେ ଖେଳାଯାଉଥିବା ଏସିଆ କପ୍ ସୁପର-୪ର ଏକ ମ୍ୟାଚରେ ଶ୍ରୀଲଙ୍କା ଆଗରେ ବିଜୟ ପାଇଁ ଭାରତ ୨୧୪ ରନର ବିଜୟ ଲକ୍ଷ୍ୟ ରଖିଛି। ଦିନକ ପୂର୍ବରୁ ପାକିସ୍ତାନ ବିପକ୍ଷରେ ଏକ ବିଶାଳ ସ୍କୋର ବ୍ୟବଧାନୋର ବିଜୟ ହାସଲ କରିଥିବା ଭାରତୀୟ ଦଳ ଆଜି ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ସମସ୍ତ ବ୍ୟାଟ୍ସମ୍ୟାନ ମାତ୍ର ୨୧୩ ରନ କରି ଅଲଆଉଟ ହୋଇ ପ୍ୟାଭିଲିଅନକୁ ଫେରିଯାଇଥିଲେ।
ଏହି ମ୍ୟାଚରେ ଭାରତ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଭାରତର ଦୁଇ ଓପନର ରୋହିତ ଶର୍ମା ଓ ଶୁଭମନ ଗିଲ୍ ପାଳି ଆରମ୍ଭ କରିଥିଲେ। ରୋହିତ ୫୩ ରନ ଓ ଗିଲ୍ ୧୯ ରନ ଏବଂ ବିରାଟ ମାତ୍ର ୩ ରନ କରି ଆଉଟ ହୋଇଥିଲେ । ତେବେ ଈଶାନ କିଷନ ଓ କେ.ଏଲ. ରାହୁଲ ଲଢୁଆ ବ୍ୟାଟିଂ କରି ଦଳୀୟ ସ୍କୋରକୁ ଆଗେଇ ନେଇଥିଲେ। ରାହୁଲ ୩୯ ରନ ଓ କିଷନ ୩୩ ରନ କରିଥିଲେ। ଶେଷ ବେଳକୁ ଅକ୍ଷର ପଟେଲ ଧୈର୍ଯ୍ୟର ସହ ବ୍ୟାଟିଂ କରି ଦଳୀୟ ସ୍କୋରକୁ ୨୧୩ ପହଞ୍ଚାଇଥିଲେ। ସେ ୨୬ ରନ କରି ଶେଷ ଓଭରରେ ଆଉଟ ହୋଇଥିଲେ।
ଶ୍ରୀଲଙ୍କା ପକ୍ଷରୁ ଦୁନିଥ୍ ଓ୍ବାଲାଙ୍ଗେ ୫ଟି ୱିକେଟ ନେଇଥିବାବେଳେ ଚରିଥ୍ ଅସଲଙ୍କା ୪ଟି ୱିକେଟ ନେଇଥିଲେ।
Comments are closed.