ନୂଆଦିଲ୍ଲୀ: ଅପରେସନ ସିନ୍ଦୂର ସମ୍ପର୍କିତ ଏକ ନୂଆ ଭିଡିଓ ଜାରି କରିଛି ସେନା। ବୁଧବାର ଜାରି ହୋଇଥିବା ଭିଡିଓରେ ଦେଖାଯାଇଛି ଯେ ଭାରତ ସେନା ପାକିସ୍ତାନର ଆତଙ୍କବାଦୀ ଶିବିରଗୁଡିକ ଉପରେ ଲକ୍ଷ୍ୟବିଧ ନିଶାଣ କରୁଛି। ଭିଡିଓରେ ପାକିସ୍ତାନ ଉପରେ ଭାରତ ସେନାର ବିଭିନ୍ନ ଆକ୍ରମଣ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବରେ ହେଉଥିବା ଉଚ୍ଚସ୍ତରୀୟ ବୈଠକର ଦୃଶ୍ୟ ଦେଖାଯାଉଥିବାବେଳେ ଏହାର ଅଡିଓରେ ଲେପ୍ଟନାଣ୍ଟ ଜେନେରାଲ ରାଜୀବ ଘାଇଙ୍କ ଅସ୍ତ୍ରବିରତି କଥାବାର୍ତ୍ତାର ସ୍ବର ଶୁଣାଯାଉଛି। ଭାରତ ଓ ପାକିସ୍ତାନ ସଂଘର୍ଷରେ ହୋଇଥିବା ଅସ୍ତ୍ରବିରତି ପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶ୍ରେୟ ଦାବି କରିଆସୁଥିବାବେଳେ ସେନା ଏପରି ଭିଡିଓ ଜାରି କରିଛି। ସେନା କହିଛି ଯେ ଲେପ୍ଟନାଣ୍ଟ ଜେନେରା ଘାଇ ପାକିସ୍ତାନ ଡିଜିଏମଓଙ୍କ ସହିତ କଥା ହେବା ପରେ ଅସ୍ତ୍ରବିରତି ପାଳନ କରାଯାଇଥିଲା। ଏପ୍ରିଲ ୨୨ରେ ଜାମ୍ମୁ-କାଶ୍ମୀରର ପହଲଗାଓଁରେ ହୋଇଥିବା ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ଲାଗି ଭାରତ ସେନା ମେ ୭ରେ ଅପରେସନ ସିନ୍ଦୁର ନାମରେ ସାମରିକ ଅଭିଯାନ କରିଥିଲା। ଏହି ଅଭିଯାନରେ ଭାରତ ସେନା ପାକିସ୍ତାନ ମାଟିରେ ସକ୍ରିୟ ଆତଙ୍କବାଦୀ ଆଡ୍ଡାସ୍ଥଳକୁ ଧ୍ବଂସ କରିଥିଲା। ଭାରତ ସେନାର ଏହି ଅଭିଯାନ ଉପରେ ପାକିସ୍ତାନ ଜବାବ ଦେଇଥିଲା। ଫଳରେ ଉଭୟଙ୍କ ମଧ୍ୟରେ ସଂଘର୍ଷ ହୋଇଥିଲା। ଏହି ସଂଘର୍ଷ ଯୁଦ୍ଧର ରୂପ ନେବାକୁ ଯାଉଥିବାବେଳେ ମେ ୧୦ରେ ପାକିସ୍ତାନ ଡିଜିଏମଓଙ୍କ ପକ୍ଷରୁ ଅସ୍ତ୍ରବିରତିର ପ୍ରସ୍ତାବ ଦିଆଯାଇଥିଲା।
#NorthernCommand ‘s resolute operations in #OperationSindoor were an exemplar of restraint turning into decisive response. Precision strikes on terror launchpads and the elimination of perpetrators of the #Pahalgam massacre underscore our unwavering pursuit of peace in the… pic.twitter.com/PeUIahQKF6
— NORTHERN COMMAND – INDIAN ARMY (@NorthernComd_IA) September 3, 2025
