ଥିରୁଭାନନ୍ତପୁରମ୍ : କେରଳରେ ଏକ ଅଙ୍ଗନବାଡି କେନ୍ଦ୍ରରେ ଉପମା ବଦଳରେ ବିରିୟାନୀ ଓ ଚିକେନ୍ ଫ୍ରାଏ ଖାଇବାକୁ ଇଚ୍ଛା କରୁଥିବା ଜଣେ ଶିଶୁଙ୍କ ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେଉଛି । ଏହାପରେ ଶିଶୁ ଯତ୍ନ କେନ୍ଦ୍ରରେ ଖାଦ୍ୟ ତାଲିକା (ମେନ୍ୟୁ)ରେ ପରିବର୍ତ୍ତନ କରାଯିବା ନେଇ ଚର୍ଚ୍ଚା ଜୋର ଧରିଛି ।
ରାଜ୍ୟର ସ୍ୱାସ୍ଥ୍ୟ, ମହିଳା ଓ ଶିଶୁ କଲ୍ୟାଣ ମନ୍ତ୍ରୀ ବୀଣା ଜର୍ଜ ସୋମବାର (ଫେବୃଆରୀ ୩)ରେ ସୋସିଆଲ ମିଡିଆରେ ଏକ ଭିଡିଓ ଶେୟାର କରିଛନ୍ତି । ଯେଉଁଥିରେ ଶିଶୁ ନିଜର ପ୍ରିୟ ଖାଦ୍ୟର ଫରମାଇସ୍ କରୁଛି । ଏହି ଘଟଣା ପରେ ଏବେ ଅଙ୍ଗନବାଡିରେ ଖାଦ୍ୟ ମେନ୍ୟୁ ପରିବର୍ତ୍ତନ ନେଇ ଆଲୋଚନା କରାଯାଉଛି।
ମନ୍ତ୍ରୀ କହିଛନ୍ତି, ଶିଶୁଙ୍କ ଉତ୍ତମ ସ୍ୱାସ୍ଥ୍ୟ ପାଇଁ ପୁଷ୍ଟିଯୁକ୍ତ ଭୋଜନ ସୁନିଶ୍ଚିତ କରିବା ପାଇଁ ଅଙ୍ଗନବାଡି କେନ୍ଦ୍ର ଜରିଆରେ ଭିନ୍ନ ଭିନ୍ନ ପ୍ରକାର ଭୋଜନ ଯୋଗାଇ ଦିଆଯାଏ । ଅଙ୍ଗନବାଡି କେନ୍ଦ୍ର ଜରିଆରେ ଅଣ୍ଡା ଓ କ୍ଷୀର ଉପଲବ୍ଧ କରାଇବା ଯୋଜନାରେ ବିଚାର କରାଯାଇଛି।
பிரியாணியும், பொரிச்ச கோழியும் வேண்டும்; குழந்தையின் வேண்டுகோளை ஏற்ற கேரள அரசு
அங்கன்வாடி உணவில் உப்புமாவிற்கு பதிலாக பிரியாணியும், வறுத்த சிக்கனும் கொடுக்க வேண்டும் என வீடியோ மூலம் கோரிக்கை வைத்த ஷங்கு என்ற சிறுவன்.
கோரிக்கை ஏற்று கொள்கிறோம். விரைவில் முடிவெடுக்கிறோம் அமைச்சர் pic.twitter.com/SQJr31OPUH— Pudukkottai Page (@pudukkottai_pag) February 4, 2025
ଭାଇରାଲ୍ ଭିଡିଓରେ ଟୋପି ପିନ୍ଧିଥିବା ଏକ ଶିଶୁ ଘରେ ଅତି ସରଳ ଭାବରେ ନିଜ ମାଆକୁ କହୁଛି ଯେ, ମତେ ଅଙ୍ଗନବାଡିରେ ଉପମା ବଦଳରେ ବିରିଆନୀ ଓ ଚିକେନ୍ ଫ୍ରାଏ ଦରକାର। ଶିଶୁର ମାଆ ସେହି ସମୟରେ ଏହି ଭିଡିଓ କରିବା ସହ ସୋସିଆଲ ମିଡିଆରେ ପୋଷ୍ଟ କରିଥିଲେ। ଯାହା ପରେ ଭିଡିଓ ଦ୍ରୁତ ଗତିରେ ଭାଇରାଲ୍ ହେଉଛି।
ଭୋଜି ନିଅଣ୍ଟ ହେଲା ବୋଲି ବରପକ୍ଷ ଭାଙ୍ଗିଲେ ବିବାହ, ପୁଲିସ କଲା ଏମିତି..
